Qeveria e Kosovës, ka marrë Vendim që të përcaktoj çmimet shitëse maksimale për shitjen me shumicë e pakicë të derivateve të naftës.
Vendimin e marrë me një mars, Qeveria e arsyeton duke thënë se ka për qëllim mbrojtjen e konsumatorëve nga lëvizjet e mëdha të çmimeve dhe eliminimit të çrregullimeve në treg me naftë dhe derivate të naftës në Republikën e Kosovës, kështu vendimi përcakton çmimet shitëse maksimale/marzhat tregtare me shumicë dhe pakicë.
Vendimi përmban disa masa.
“Te shitësit me shumicë vendoset marzha më e lartë tregtare deri në 4% të çmimit të shitjes”.
“Te shitësit me pakicë vendoset marzha më e lartë tregtare deri në 6% të çmimit të shitjes”, thuhet në Vendim.
Qeveria e Kosovës përmes këtij Vendimi ka obliguar të gjitha deponitë dhe pikat shitëse të naftës dhe derivateve të naftës, të mbajnë në çdo kohë në stoqe së paku 5 % të kapaciteteve të tyre deponuese, për qëllime të rezervave emergjente.
Nga ana tjetër, ky vendim po ashtu obligon Ministrinë e Industrisë, Ndërmarrësisë dhe Tregtisë, përkatësisht Inspektoratin e Tregut Qendror dhe Lokal, Administratën Tatimore, Autoritetin Kosovar të Konkurrencës dhe organet e tjera të administratës shtetërore, që të mbikëqyrin zbatimin e këtij vendimi qeveritar.
Ky vendim ka hy në fuqi sot (2 mars), dhe i tillë do të mbetet deri më 31 maj të këtij viti.
Këto masa Qeveria e Kosovës i ka ndërmarrë pasi që në treg ka pasur lëvizje të çmimeve të derivateve dhe produkteve të ushqimit pas fillimit të invazionit rus mbi Ukrainën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Plagosje në Prizren, i dyshuari në arrati
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE
-
Dinari vazhdon të përdoret në Veri për kryerjen e pagesave, askush s’i kontrollon
-
“Gjendje alarmante dhe shqetësuese në MPJD”, thonë sindikalistët
Lajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE