Pas përditësimit të fundit të ranglistës botërore të xhudos, sërish Kosova dominon me dy vendet e para.
Bëhet fjalë për kampionet olimpike, Distria Krasniqin dhe Nora Gjakovën, të cilat pozicionohen në vendin e parë të kategorive të tyre përkatëse.
Distria Krasniqi që fitoi medaljen e artë në Lojërat Olimpike dhe u shpall së fundmi xhudistja më e mirë në botë deri në 48 kilogramë, është renditur e para me 5920 pikë.
Ndërsa në vendin e dytë të kësaj kategorie, gjendet xhudistja nga Mongolia, Munkhbat Urantsetseg, me 5250 pikë.
Në anën tjetër, Nora Gjakova që po ashtu fitoi medaljen e artë në Lojërat Olimpike, është renditur e para në kategorinë deri në 57 kilogramë, duke arkëtuar 5880 pikë.
Në këtë kategori, Gjakova lë prapa në vendin e dytë kanadezen Jessica Klimkait, me 5830 pikë.
Kjo është një arritje e madhe e kampioneve kosovare, e cila do të jetë një shtytje e madhe për to, që të fillojnë garat në vitin e ardhshëm nga vendet e para në botë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Operacioni i SPAK, Balla: Lufta kundër krimit të organizuar po jep rezultat
-
Moska dhe Pekini qëndrojnë së bashku teksa konflikti shkatërron Ukrainën
-
Haradinaj: Dështimi në KiE i faturohet Kurtit – eksperimentet e tij shkaktuan dështimin më të madh