Mbyllet edhe raundi i parë i grupeve në UEFA EURO 2020.
Qershia mbi tortë e këtij raundi, ishte pikërisht superdueli mes Francës dhe Gjermanisë, në “Allianz Arena”.
Gjermania dominoi ndeshjen, por jo edhe rezultatin.
Skuadra e Low pati posedimin gjatë gjithë ndeshjes, por duke mos arritur të krijojë raste konkrete asnjëherë.
Sulmi i tyre ishte shumë i ngadaltë në veprim, duke i ia lehtësuar krejtësisht punën mbrojtjes franceze.
Ishin milimetrat në anën tjetër që ja pamundësuan Francës fitoren 3-0.
Një herë Mbappe, e një herë Benzema panë që golat e tyre të anulohen nga VAR-i.
Ndërkohë, goli i vetëm i ndeshjes, nuk erdhi nga futbollistët francez.
Atë e shënoi Mats Hummels, në portën e gabuar.
Një pasim fenomenal i Pogba-s, e gjeti të lirë Lucas Hernandez-in në zonë.
Ky i fundit krosoi për te Mbappe, por Hummels në tentativë për të larguar, devijoi topin në portën e gabuar.
Gjermania e nis keq këtë Evropian, duke mbetur prapa në grupin e vdekjes, ku bën pjesë edhe Portugalia e Cristiano Ronaldo-s.
Portugezët udhëheqin grupin për shkak të fitores 3-0, kurse Franca mbetet e dyta.
Ndeshjet tjera të këtij grupit zhvillohen të shtunën, më 19 qershor.
Në Mynih, përsëri, Gjermania pret Portugalinë, me fillim në orën 18:00.
Kurse tre orë më herët, në Budapest, Franca përballet me Hungarinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti për zgjedhjet e jashtëzakonshme: Opozita duhet të bëhet gati, ne jemi gjithmonë
-
Gërdeci/ Rrëzohet kërkesa për riekspertim ekonomiko-financiar, Mediu: Po kërkohet një kokë turku
-
Miqësia ‘pa kufi’ Putin-Xi do të vihet në provë gjatë vizitës shtetërore në Kinë
-
Krerët e shtetit po e “armatosin” Serbinë me mundësi për “ofensivë diplomatike” kundër Kosovës, thotë Haziri