Presidentja e Kosovës, Vjosa Osmani, ka uruar fituesen e zgjedhjeve presidenciale nga radhët e partisë nacionaliste maqedonase, VMRO-DPMNE, Gordana Siljanovska-Davkova, duke anashkaluar kështu fituesin e zgjedhjeve parlamentare nga kampi shqiptar – Frontin Demokratik, i udhëhequr nga Bashkimi Demokratik për Integrim.
Kosova dhe Maqedonia e Veriut, sipas Osmanit, gëzojnë marrëdhënie të shkëlqyera fqinjësore dhe ndajnë një angazhim të fortë për integrimin euroatlantik.
“Mezi pres të punoj me Presidenten e zgjedhur për të arritur këtë qëllim të përbashkët dhe për të thelluar më tej marrëdhëniet në mes të Kosovës dhe Maqedonisë së Veriut”, ka shkruar Osmani në platformën sociale, X.
Congratulations to @gogamkd on her electoral victory in North Macedonia, and for becoming the country’s first woman president.
Kosovo and North Macedonia enjoy excellent neighborly relations and share a strong commitment to Euro-Atlantic integration. I look forward to working…
— Vjosa Osmani (@VjosaOsmaniPRKS) May 9, 2024
Nga 99.97 për qind të votave të numëruara në rundin e dytë të zgjedhjeve presidenciale në Maqedoninë e Veriut, Gordana Siljanovska-Davkova nga VMRO-DPMNE – fituesja e rundit të parë – ka korrur një fitore të thellë ndaj kundërkandidatit nga radhët e LSDM, Stevo Pendarovski.
Siljanovska-Davkova ka mbledhur plotë 560 mijë e 744 vota, apo 65.15 për qind.
Ndërsa Pendarovski – presidenti aktual i Maqedonisë së Veriut – ka arritur të grumbullojë vetëm 251 mijë e 755 vota, apo 29.25 për qind.
Ndërsa, në taborin shqiptar fitues është “Fronti Evropian”, me lider Ali Ahmetin, me 19 mandate, duke u renditur forca e dytë me numër mandatesh në nivel republikan, derisa në raport me koalicionin e partive opozitare shqiptare prin me një diferencë prej 30 mijë votash.
Sa i përket zgjedhjeve parlamentare, me 99,27 për qind të votave të numëruara, VMRO-DPMNE ka marrë 58 mandate deputetësh në Kuvendin e Maqedonisë së Veriut, nga 120 sa i ka gjithsejtë.
I dyti me mandate deputetësh është “Fronti Evropian”, me 19 sosh, i pasuar nga partia maqedonase që deri më tani kishte pushtetin, LSDM-ja, e cila do të ketë 18 ulëse në parlament.
Pas saj, i katërti në nivel republikan radhitet koalicioni “VLEN”, me 13 mandate deputeësh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani kërkon nga ministrja e Katarit rritje të bashkëpunimit
-
Policia kërkon nga vendkalimet kufitare dhe drejtoritë rajonale ndalimin e Enver Sekiraqës
-
Selimi vlerëson se pas dështimit në Këshill të Evropës, sanksionet ndaj Kosovës mund të pezullohen
-
Vodhën euro në bankat e vendeve të BE dhe tentuan t’i hidhnin në treg, arrestohen dy persona
Lajmet kryesore
-
Ebrahim Raisi humb jetën pas rrëzimit të helikopterit, qeveria mbledhje urgjente
-
Abuzim me tendera, SPAK dërgon për gjykim ish-kryetaren e Bashkisë Patos dhe 6 zyrtarë
-
Liderët globalë shprehin ngushëllime për vdekjen e presidentit iranian
-
Policia kërkon nga vendkalimet kufitare dhe drejtoritë rajonale ndalimin e Enver Sekiraqës