Drejtuesi në detyrë i Prokurorisë së Kukësit, i cili është arrestuar më 30 qershor, Edmond Karriqi, dyshohet se ka marrë 2 mijë euro ryshfet.
Sipas hetimeve, kjo ngjarje ka ndodhur disa muaj më parë, por prokurori është vijuar të mbahet nën hetim, për lidhjet e dyshuara me një ngjarje tjetër.
Prova e cilësuar, është ajo e filmimit gjatë kohës kur Karriqi merrte ryshfet. Shuma e parave është dhënë nga vëllai i një personi që ishte në hetim për drogë.
Përtej 2 mijë eurove, mendohet se prokurori ka pasur edhe përfitime të tjera.
Si u krye arrestimi?
Prokurori i Kukësit, Edmond Karriqi, është vënë nën prangat e policisë pas një operacioni policor në qytetin e Kavajës. I arrestuar ka qenë gjithashtu edhe shoferi i tij.
Sipas njoftimit zyrtar nga Prokuroria e Posaçme kundër Krimit të Organizuar dhe Korrupsionit (SPAK), Karriqi është arrestuar nën akuzën e “Korrupsionit aktiv të kryer në bashkëpunim” si edhe të “Korrupsionit pasiv”.
Nga provat e mbledhura në bashkëpunim me policinë gjyqësore të Policisë së Shtetit, janë mbledhur prova konkrete, nga të cilat është ngritur ndryshimi mbi arrestin.
Së bashku me shoferin e Karriqit, Isuf Gegan, janë arrestuar edhe shtetasit D.D., dhe E.B..
Akuzat mbi ta, janë dyshimet mbi veprën penale “Korrupsion aktiv në bashkëpunim”.
Hetimet paraprake për këtë procedim janë në hetim e sipër dhe ende pa përfunduar.
Më 26 mars 2021, Karriqi u komandua përkohësisht në krye të Prokurorisë pranë Gjykatës së Shkallës së Parë Kukës. Kjo, erdhi pas shkarkimit të prokurores Rita Gjati nga procesi i vetingut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE