Thaçi: Kam informacione se Kurti do ta mbështesë Pendarovskin në raundin e dytë të zgjedhjeve presidenciale
Kryetari i Partisë Demokratike Shqiptare (PDSH), Menduh Thaçi, ka thënë se ka informacione se Kryeministri i Kosovës, Albin Kurti, në raundin e dytë të zgjedhjeve presidenciale në Maqedoni të Veriut, që do të mbahen më 8 maj, së bashku me ato parlamentare, do ta mbështesë kandidatin e LSDM-së, presidentin aktual, Stevo Pendarovski.
Këto komente, Thaçi i ka bërë në një intervistë për “EuronewsAlbania”, derisa ka thënë se do ta mbyll polemikën me Kurtin që e kishte pasur para raundit të parë të zgjedhjeve presidenciale më 24 prill, pasi që kryeministri kosovar e kishte mbështetur koalicionin “VLEN”, rrjedhimisht kishte dalur hapur kundër Bujar Osmanit të “Frontit Evropian”.
“Dua ta mbyll polemikën me zotin Kurti, kemi fituar, nuk e ndjej veten, pa sarkazma, nuk e ndjej veten mirë që ai ka dështuar politikisht në angazhimin e tij”, ka thënë Thaçi, derisa ka shtuar se është plotësisht i sigurt se edhe pozicioni i tij do të ndryshojë tash në raport me Maqedoninë.
Në këtë kontekst, kreu i PDSH-së ka theksuar se informatat e tij flasin se Kurti i ka premtuar mbështetje Pendarovskit.
“Po, sigurisht”, insistoi ai.
Përveç kësaj, Thaçi pret që Kurti t’i mbështesë partitë politike shqiptare në Maqedoni të Veriut, për kushtëzimin që ua kenë vënë VMRO-DPMNE-së se për ët formuar qeverinë e re duhet ët votohen ndryshimet kushtetuese.
“Se çdo veprim tjetër do të ishte jashtë logjikës politike dhe jashtë përcaktimit kombëtar të shqiptarëve. Kështu që nuk e shoh të arsyeshme më të polemizojë me të”, theksoi Thaci,
Në raundin e dytë të zgjedhjeve presidenciale në Maqedoni të Veriut janë dy kandidatë që kanë marrë vota më së shumti në raundin e parë. Gordana Siljanovska Davkova, kandidatja e partisë nacionaliste maqedonase, VMRO-DPMNE, dhe Pendarovksi i LSDM-së.
Ndryshe, kryeministri Albin Kurti ka qenë i përfshirë drejtpërdrejtë në zgjedhjet presidenciale të Maqedonisë së Veriut, por është edhe në ato parlamentare të 8 majit.
Ai ka mbështetur kandidatin e koalicionit “VLEN” për President të Maqedonisë së Veriut, Arben Taravari, duke u rreshtuar kështu kundër atij të “Frontit Evropian”, Bujar Osmani, i cili doli fitues në taborin shqiptar me rreth 40 mijë vota diferencë.
Po ashtu, Kurti është në mbështetje për “VLEN” edhe në zgjedhjet parlamentare, në listat e të cilëve ka kandidatë për deputetë, siç është këshilltari i tij, Bekim Qoku.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Qeveria kroate jep 50 mijë euro për Baby Lasagna pas suksesit në Eurovision, por ai nuk i pranon: Ia dhuron dy instituteve mjekësore
-
Futbolli në Shqipërinë staliniste: 90 minutat e vetme kur njerëzit mund të jenë vetvetja
-
Afrika e Jugut: Gjenocidi në Gaza ka arritur një fazë të re dhe të tmerrshme
-
Abdixhiku: Letra e Scholzit, Macronit e Melonit ekspozoi populizmin e Kurtit – dështim spektakolar, dëm historik
Lajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Abdixhiku: Letra e Scholzit, Macronit e Melonit ekspozoi populizmin e Kurtit – dështim spektakolar, dëm historik