Në një ankand në Gjibraltar të martën e 23 gushtit, u shit superjahti Axioma i miliarderit rus Dmitriy Pumpiansky.
Ky i fundit, u vu nën sanksionet perëndimore në lidhje me agresionin e plotë rus në Ukrainë.
Lajmi u bë i ditur nga kompania amerikane “Bloomberg”.
Axioma u bë superjahti i parë i një oligarku të sanksionuar rus që u shit në një ankand në Evropë.
Në ankand janë dorëzuar gjithsej 63 oferta, por ende nuk bëhet e ditur se sa ka paguar fituesi dhe kush është ai.
Axioma 72.5 metra doli në ankand në favor të bankës amerikane të investimeve JP Morgan, e cila pretendon se pronari miliarder i jahtit, Dmitry Pumpiansky, i detyrohet atij më shumë se 20 milionë dollarë.
Anija, e cila përmban gjashtë kabina luksoze për mysafirë, një pishinë, kinema 3D, palestër, xhakuzi dhe banjë të pajisur plotësisht, u ndalua pasi u ankorua në Gjibraltar në muajin mars.
Pumpiansky është pronar dhe kryetar i bordit të “OAO TMK”, një prodhues i tubave të çelikut për industrinë e naftës dhe gazit, i cili është një furnizues i kompanisë ruse të energjisë shtetërore Gazprom.
Ai u sanksionua nga Britania, BE dhe SHBA-të pas pushtimit rus të Ukrainës.
Britania tha se miliarderi, pasuria e të cilit vlerësohet në 1.84 miliardë paund, është një nga oligarkët “më të afërt me Putin-in”.
Ndërsa dhjetëra superjahte që dyshohet se janë në pronësi të oligarkëve rusë të sanksionuar janë ndaluar ose konfiskuar në mbarë botën, Axioma është i vetmi që u vu në shitje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Mbyllja e rrugëve ilegale s’po e ndalon hyrjen e armëve, Sveçla në kontradiktë me veten
-
Turistët në Mbretërinë e Bashkuar braktisin Spanjën dhe Greqinë për Shqipërinë, thotë gjigandi turistik
-
Parashikimi i motit, 18 maj 2024
Lajmet kryesore
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Turistët në Mbretërinë e Bashkuar braktisin Spanjën dhe Greqinë për Shqipërinë, thotë gjigandi turistik
-
Sllovakia, një vend pre i urrejtjes
-
Mbyllja e rrugëve ilegale s’po e ndalon hyrjen e armëve, Sveçla në kontradiktë me veten