Mbi 60 mediume profesionale dhe organizata joqeveritare (OJQ) serbe kanë nënshkruar dhe dërguar një letër ministres për të Drejtat e Njeriut dhe të Pakicave dhe Dialogut Social, Gordana Çomiç, duke i kërkuar asaj që të dënojë e të parandalojë sulmet nga Qeveria e Serbisë dhe mediat pro-regjimit të Aleksandar Vuçiç-it.
Fushata kundër mediave objektive dhe OJQ-ve u intensifikua pasi rrjeti social Twitter shënjoi disa media serbe si media që bashkëpunojnë me Qeverinë e Serbisë.
Në letrën e drejtuar ministres Çomiç, ndër të tjera thuhet: “Media profesionale dhe organizatat e shoqërisë civile (OSHC) janë përsëri objektivi i një fushate të ashpër, e cila, si zakonisht, u drejtua nga Presidenti i Republikës, dhe vazhdoi nga media nën kontrollin e tij”.
“Ndryshe nga mediat pro-qeveritare, të tilla si PINK, OSHC-të në Serbi paguajnë taksa dhe kontribute, raportojnë në Agjencinë e Regjistrave të Bizneseve dhe kurrë nuk janë ankuar për këtë. Meqenëse ky informacion dihet me siguri nga Presidenti i Republikës, ne jemi të detyruar të konkludojmë se ky është një qëllim i keq dhe një tjetër në një seri hapash drejt shkatërrimit të pjesës së shoqërisë që lufton për demokracinë dhe sundimin e ligjit”, thuhet gjithashtu në atë letër.
Menjëherë pas lëvizjes nga Twitter, Presidenti i Serbisë, Aleksandar Vuçiç, u doli në mbrojtje mediave pro-qeveritare duke shkruar fjalët: “Me kë do të bashkëpunojnë?”, “Me manjatë dhe hajdutë?”.
“Hetimi” pasoi menjeherë nga ana e tabloidit pro-qeveritar “Telegraf.rs”, duke pretenduar se media e pavarur, si H1, Danas, KRIK dhe CINS, si dhe disa OJQ, morën miliona nga ambasadat dhe fondet e dyshimta.
Lidhur me fushatë e ndërmarr nga regjimi dhe nga mediat pro-qeveritare kundër mediave të lira dhe OJQ-ve në Serbi, themeluesi i lëvizjes Optimizmi i Ri, Branislav Grubaçki Guta si dhe gazetari Nadim Sejdninoviç konsiderojnë se veprimet e tilla janë në rritje pasi që regjimi autoritar është në rrugën “drejt një lakuriqësie” dhe se “sulmet do të jenë më të forta veçanërisht kur SNS e ndjenë mundësinë e humbjes së pushtetit.
Nga ana tjetër ministrja Çomiç lidhur me këtë çështje ka thënë se qëndrimi i ministrisë së saj nuk është të komentojë deklaratat, por se sulmet ndaj gazetarëve që bëhen nga ulëset e Parlamentit serb janë përgjegjësi e Kryetarit të Parlamentit.
Reagim lidhur me sulmet ndaj mediave profesionale ka pasur edhe Ambasadori amerikan në Beograd, Anthony Godfrey.
Ai ka thënë se ishte i pikëlluar nga etiketimi i gazetarëve si agjentë të huaj ose media nën kontrollin e Departamentit të Shtetit.
“Kjo është e rrezikshme. Kjo është një strategji tipike e Kremlinit dhe ajo vetëm sa do ta largojë Serbinë nga BE-ja. Gazetarët e pavarur janë patriotë, jo tradhtarë, ata besojnë se qytetarët duhet të informohen”, kishte deklaruar ambasadori Godfrey në konferencën “Kultura e Dialogut-Shoqëria Civile dhe Media” të organizuar nga Ministria e të Drejtave të Njeriut dhe të Pakicave dhe Dialogut Social.
Gazetari Sejdinoviç konsideron se situata është përshkallëzuar në atë masë saqë, gazetarët dhe shoqatat e mediave duhet të marrin një qëndrim më radikal, dhe të kenë parasysh mundësinë e largimit nga grupet dhe komisionet e ndryshme të punës (të institucioneve), në të cilat ata shpenzojnë energji të madhe pa rezultate të dukshme.
Media e pavarur dhe e vërteta janë kundërshtarët më të mëdhenj të Vuçiç-it
Sejdinoviç ka tërhequr një paralele mes situatës aktuale dhe një situate të më hershme lidhur me lirinë e mediave.
“Natyrisht, është e vështirë të supozohet se cilat forma të presionit do të pësojnë mediat dhe gazetarët e pavarur, por nuk duhet përjashtuar mundësia e sulmeve drastike ndaj lirive të mediave, siç e pamë në muzgun e regjimit të Millosheviç-it”.
Një situatë e tillë është mese e domosdoshme, vlerëson Sejdinoviç.
“Është e nevojshme të përgatitemi për këtë – do të jetë mizore, sepse besimi i regjimit të Vuçiç-it është se media e pavarur dhe e vërteta janë kundërshtarët e tij më të mëdhenj … Ai do ta mbrojë me gjithë forcën e tij”, është shprehur Sejdinoviç për Danas.
Ditë më parë rrjeti social Twitter kishte demaskuar disa nga mediat dhe gazetat më të njohura në Serbi, duke vënë në profilet e tyre etiketën e “Media e lidhur me shtetin”.
Kjo etiketë, siç shpjegohet nga gjigandi i rrjeteve sociale, Twitter, vendoset kur “Një shtet ushtron kontroll mbi përmbajtjen redaktoriale përmes burimeve financiare dhe presionit direkt ose indirekt politik”.
Mediat që Twitter ka klasifikuar dhe renditur si të tilla janë të përditshmet serbe si:Telegraf.sr, Kurir, Informer dhe Politika, dhe kanalet transmetuese televizive si: TV Happy, Prva TV dhe B92, portalin online të RTV Pink, si dhe agjencinë e lajmeve Tanjug.
Kjo etikë u shfaqet në profilin e tyre, si dhe në cicërimat që ato shkruajnë ose shpërndajnë.
Në raportin e fundit vjetor të Freedom House, Serbia është klasifikuar në kategorinë e “regjimeve hibride”. Gjithashtu, thuhet se ka ngecur në fushën e qeverisjes demokratike.
Zgjedhjet parlamentare të vitit 2020, sipas raportit, janë mbajtur pa konkurrencë dhe se rezultati i zgjedhjeve ishte një parlament de facto një partiak. Pushteti i Aleksandar Vuçiqit konsiderohet i centralizuar.
“Në Serbi, Presidenti Aleksandar Vuçiç dhe partia e tij “Partia Progresive Serbe” (SNS) kanë mbikëqyrur përfshirjen e fushatave të shpifjeve dhe propagandës së qeverisë, të cilat kontribuan në fitoren e gjerë të zgjedhjeve të SNS-së dhe formimin e një parlamenti jo-përfaqësues në vitin 2020” thuhet në raport
Raporti i Freedom House, “Shteti në tranzicion” vlerëson statusin e zhvillimit demokratik i cili shprehet në një “rezultat të demokracisë” nga 1 deri në 7.
Duke u bazuar në këtë, shtetet klasifikohen në kategoritë e “regjimeve autoritare të konsoliduara” (1.00 deri 2.00), “regjime autoritare gjysmë të konsoliduara-të konsoliduara” (2.01 deri 3.00), “regjime hibride kalimtare” (3.10 deri 4.00), “Demokraci gjysmë të konsoliduara” ( 4.01 deri 5.00) dhe “demokracitë e konsoliduara” (5.01 deri 7.00).
Duke parë këtë klasifikim, Serbia hynë në “regjime hibride kalimtare” ( 3.10 deri 4.00).
Ky kategorizim nga Freedom Hous për Serbinë bënë që ky shtet të mbetet larg sundimit të shtetit demokratik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vuçiç takon nënsekretaren amerikane, kërkon angazhim më të madh të SHBA-ve në rajon
-
Mediu i kërkon GJKKO-së të kryhet një akt i ri ekspertimi ekonomiko-financiar për Gërdecin
-
Prokuroria Fier dërgon në gjyq 3 persona, shkaktuan 3 milionë lekë dëm me ndërhyrjen në Vjosë
-
Arrestohet 27-vjeçari nga Kosova, pasi aksidentoi për vdekje 60-vjeçarin në ‘Milot-Morinë’
Lajmet kryesore
-
Nis takimi trepalësh në Bruksel
-
Mediu i kërkon GJKKO-së të kryhet një akt i ri ekspertimi ekonomiko-financiar për Gërdecin
-
Administrata e Biden planifikon dërgesë armësh prej 1 miliard dollarësh në Izrael
-
Krerët e shtetit po e “armatosin” Serbinë me mundësi për “ofensivë diplomatike” kundër Kosovës, thotë Haziri