SHBA/ Projektligji që synon frenimin e dyqaneve të aplikacioneve

Një republikan së bashku me një anëtar demokrat të Dhomës së Përfaqësuesve të Shteteve të Bashkuara të Amerikës kanë paraqitur një projektligj që synon frenimin e dyqaneve të fuqishme të aplikacioneve të drejtuara nga kompani si Apple Inc dhe Google-i iAlphabet Inc.

Agjencia e lajmeve, “Reuters”, tregon se projektligji është një shoqërues i një mase të prezantuar këtë javë nga një treshe dypartiake senatorësh, e cila do të ndalonte dyqanet e mëdha të aplikacioneve të kërkonin nga ofruesit e aplikacioneve të përdorin dyqane alternative të aplikacioneve dhe sisteme pagesash.

Përfaqësuesi Ken Buck, republikani më i lartë në panelin antitrust të Komitetit Gjyqësor të Dhomës, e ka prezantuar këtë masë bashkë me përfaqësuesin demokrat, Hank Johnson.

“Për një kohë shumë të gjatë, kompanitë si Google dhe Apple kanë pasur një mbytje ndaj zhvilluesve të aplikacioneve, të cilët janë të detyruar të marrin çfarëdo kushti që vendosin këta monopolistë për të arritur te klientët e tyre”, ka thënë Buck në një deklaratë me email.

Vitin e kaluar, konsumatorët amerikanë kanë shpenzuar afro 33 miliardë dollarë në dyqanet e aplikacioneve celularë dhe gjithashtu kanë shkarkuar 13.4 miliardë aplikacione.

Më parë, Apple-i e ka mbrojtur dyqanin e vet të aplikacioneve si “një motor i paparë i rritjes ekonomike dhe inovacionit, ai që tani mbështet më shumë se 2.1 milionë vende pune në të 50 shtetet”.

Sipas “Reuters”, aksionet janë të larta për Apple-in, App Store-i i të cilit ankoron biznesin e tij të shërbimeve prej 53.8 miliardë dollarësh teksa tregu i smartphone-ve është rritur.

Nga ana tjetër, Google-i ka thënë se telefonat Android shpesh kanë dy ose më shumë dyqane të aplikacioneve të para-ngarkuar.

Dhe jo më larg se në qershor, Komiteti Gjyqësor i Dhomës së Përfaqësuesve miratoi gjashtë masa antitrust, shumica e tyre kishin për qëllim zvogëlimin e gjigantëve të teknologjisë si Google, Amazon, Apple dhe Facebook.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.