Një rast i pazakontë i dëshmive të luftës dhe miteve përreth saj ka nxjerrë “në sipërfaqe” një anije ruse që supozohej të ishte fundosur nga forcat ukrainase.
Pamjet e xhiruara dhe fotografitë tregonin anijen patrulluese të Marinës Ruse “Project 22160 Vasiliy Bykov” duke lundruar në portin e Sevastopol-it në Gadishullin e Krimesë.
Ushtria ukrainase thuhet se e dëmtoi rëndë, në mos e fundosi këtë anije në Detin e Zi më shumë se një javë më parë, duke përdorur raketa artilerie të lëshuara nga bregu.
RFN Vasiliy Bykov (368) Entering Sevastopol harbour this morning.
To validate this image, the weather is correct to today and @Capt_Navy can confirm the ship entry.
Thanks to @GrangerE04117 for the image. pic.twitter.com/jcjWwMfkbS— TheShipYard NavalConsultancy (@TheShipYard2) March 16, 2022
Vasiliy Bykov ishte anija e parë patrulluese e Projektit 22160 që hyri në shërbim, duke u vënë në punë në vitin 2018.
Marina ruse tani ka tre nga këto anije në detyrë aktive, të gjitha të caktuara në flotën e saj të Detit të Zi.
Rusia e zhvendosi në Krime pasi e kapi nga Ukraina në vitin 2014.
Një anije e katërt Project 22160 po kalonte prova në det që nga tetori i vitit 2021 dhe dy të tjera janë në ndërtim e sipër.
Projekti 22160 janë disa nga luftanijet më moderne në Marinën Ruse.
Shkatërrimi i njërës prej tyre do të kishte përfaqësuar një humbje të konsiderueshme për Rusinë.
Russian Nav's Project 22160 patrol ship Vasily Bykov was damaged by a Ukrainian multiple launch rocket system in the Black Sea near #Odesa. The ship sank today. There is no information about its crew yet. pic.twitter.com/C5a3pY1IgK
— Ukraine Reporter (@StateOfUkraine) March 7, 2022
Sulmi
Përveç kësaj, Vasiliy Bykov ishte përfshirë në sulmin e ushtrisë ruse në ishullin Zmiinyi të Ukrainës, ose ishullin e gjarpërinjve, në Detin e Zi perëndimor.
Mbrojtësit ukrainas rrokën një status thuajse “legjendar” pasi u shfaq audio ku ata refuzonin kërkesën për t’u dorëzuar dhe në vend të kësaj u përgjigjën me frazën tashmë ikonike “Anije luftarake ruse, vafsh në djall!”.
Të 13-të rojet e kufirit ukrainas të vendosur në ishullin e gjarpërinjve fillimisht supozohej se ishin vrarë në një sulm që pasoi, megjithëse kjo u përgënjeshtrua më vonë.
Pra, fundosja, apo edhe dëmtimi serioz i kësaj anijeje do të kishte pasur një vlerë shtesë si një akt i drejtpërdrejtë hakmarrjeje.
Forcat ukrainase mund të kenë ngatërruar anijen “Vasily Bykov” për “Dmitriy Rogachev” ose “Pavel Derzhavin”.
Një fotografi e Dmitriy Rogachev në portin në Sevastopol, së bashku me anijen ukrainase të kërkim-shpëtimit Sapphire, e cila u kap gjatë operacionit të ishullit të gjarpërinjve, u shfaq në internet më 11 mars.
Pavel Derzhavin duket se është parë për herë të fundit në Detin Azov, në veri të Detit të Zi, në ose rreth 20 shkurtit, përpara se Kremlin-i të fillonte pushtimin e Ukrainës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Tre turistë spanjollë dhe një afgan u vranë nga një sulm në Afganistan
-
Dështimi i Kosovës në KiE: Reuten: Gjermania, Franca dhe Italia iu përulen Serbisë
-
Operacioni i SPAK: Arrestohet Naim Stafuka, vëllai i Enver Stafukës i rrëmbyer dhe zhdukur në 2015
-
Kandidati për kryetar bashkie dhe 5 të tjerë u vranë nga të shtënat në një tubim të fushatës në Meksikë
Lajmet kryesore
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Megaoperacioni i SPAK, zbardhen detaje nga akuzat për Durim Bamin
-
Tre turistë spanjollë dhe një afgan u vranë nga një sulm në Afganistan
-
Mbyllja e rrugëve ilegale s’po e ndalon hyrjen e armëve, Sveçla në kontradiktë me veten
