Dikur ishin rivalë në fushë dhe me paraqitjet e tyre shpesh dëmtuan njëri-tjetrin.
Por, vlerësimi i ndërsjellë gjithmonë ishte shumë i lartë.
Bëhet fjalë për Cristiano Ronaldo dhe Ivan Rakitic-in.
Dy futbollistët janë përballur shumë herë në klasiken e madhe Real Madrid – Barcelona, por tani asnjëri nuk është më pjesë e gjigantëve spanjollë.
Cristiano po fillon sezonin e tij të katërt me Juventus-in, kurse Rakitic është rikthyer atje nga ku erdhi, Sevilla.
I pari, para dy sezoneve, kishte kërkuar që me rivalin e tij të bashkohej në Torino.
Këtë e ka zbuluar vetë kroati Ivan Rakitic, në një intervistë ku mori pjesë.
“Gjatë verës së vitit 2019, Cristiano Ronaldo më thirri mua personalisht dhe më kërkoi që t’i bashkohem te Juventus-i”, u shpreh Rakitic.
“Ai më tha që klubi më dëshiron po ashtu, por transferimi nuk rezultoi i suksesshëm”.
Sipas Rakitic, kjo erdhi si pasojë e kërkesës së madhe që kishte Barcelona për shërbimet e tij.
“Barcelona kërkuan 50 milionë, shumë”, e mbylli Ivan Rakitic.
Tanimë, deri sa Cristiano Ronaldo po mendon që të vazhdojë qëndrimin te Juventus-i, edhe Rakitic është shprehur i hapur që të vazhdojë në Andaluzi, te Sevilla.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin