Lugina Panjshir është provinca e fundit që po i reziston sundimit të talebanëve në Afganistan.
Forcat talebane dhe luftëtarët besnikë të udhëheqësit lokal Ahmad Massoud luftuan në Panjshir të enjten e 2 shtatorit.
Secila palë korri pretendimet e saj për përfitimet territoriale.
“Ne filluam operacionet, pasi negociatat me grupin e armatosur lokal dështuan”, deklaroi zëdhënësi i talebanëve, Zabihullah Mujahid.
Sipas Mujahid-it, talebanët kishin hyrë në Panjshir dhe kishin marrë kontrollin e një territori të saj.
Një zëdhënës i grupit rebel të Frontit Kombëtar të Rezistencës së Afganistanit (NRFA) tha se kishte kontroll të plotë mbi të gjitha kalimet dhe hyrjet.
Sipas deklaratës së tij, talebanët dështuan në përpjekjet e tyre për të marrë rrethin Shotul.
“Armiku bëri përpjekje të shumta për të hyrë në Shotul nga Jabul-Saraj dhe dështoi çdo herë”, tha zëdhënësi.
🇦🇫 🏳️ Taliban forces ambushed by the northern resistance in Panjshir #Afghanistan #Panjshir pic.twitter.com/gYRTcr7MsA
— The Rage X (@theragex) September 2, 2021
Panjshir
Lugina Panjshir, në veri të Kabul-it në Hindu Kush, ishte një fortesë e rezistencës për dekada të tëra.
Fillimisht, kundër sovjetikëve në vitet ’80-të, pastaj ndaj talebanëve në vitet ’90-të. Ajo është ende e mbushur me tanke të ndryshkur nga luftimet e atyre dekadave.
Ambasadori i Afganistan-it në Taxhikistan, Zahir Aghbar, më herët premtoi se Panjshir-i do të formonte një bazë për ata që donin të luftonin.
“Panjshir qëndron fuqishëm kundër kujtdo që dëshiron t’i skllavërojë njerëzit”, tha ai.
Që kur talebanët morën Kabul-in më 15 gusht, disa mijëra luftëtarë nga milicitë vendase dhe mbetjet e forcave të armatosura të qeverisë janë grumbulluar në Panjshir nën udhëheqjen e Massoud-it, djalit të një ish-komandanti muxhahidin.
Ata kanë qëndruar në luginën e pjerrët, ku sulmet nga jashtë janë të vështira.
Përpjekjet për të negociuar një zgjidhje duket se kanë dështuar, ku secila palë fajëson palën tjetër për dështimin.
Mujahid tha se shpallja e një qeverie të re ishte pak ditë larg, ndërsa zyrtari taleban, Ahmadullah Muttaqi, tha se një ceremoni po organizohej në pallatin presidencial.
Legjitimiteti i qeverisë në sytë e donatorëve dhe investitorëve ndërkombëtarë do të jetë vendimtar për ekonominë, pasi vendi lufton thatësirën dhe shkatërrimet e një konflikti që vrau rreth 240 mijë afganë.
Marrë nga The Guardian, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Texas-i fal ushtarin amerikan që qëlloi protestuesin e Black Lives Matter
-
Ambasadorja e SHBA-ve në NATO, thirrje vendeve të Ballkanit Perëndimor të rrisin shpenzimet e mbrojtjes
-
Kush është Ilya Sutskever, shkencëtari i shkëlqyer që u largua nga OpenAI
-
Shkencëtarët mund të kenë zgjidhur misterin e piramidave të Egjiptit
Lajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE