Stevo Pendarovski nuk mendon që të jetë sërish kandidat për President të Maqedonisë së Veriut në zgjedhjet presidenciale të 24 prillit.
Presidenti aktual i Maqedonisë së Veriut, ka bërë të ditur këtë të mërkure se s’e nuk e ka menduar që të jetë kandidat edhe për një mandat në krye të shtetit maqedonas.
Lajmi e ka bërë të ditur vetë Pendarovski, pasi që është pyetur nga gazetarët atje për mundësinë e kandidimit edhe për një mandat.
Përgjigja e tij ka qenë e shkurtër. Ai ka thënë vetëm “jo”, transmeton “TV21”.
Pendarovski ishte zgjedhur President i Maqedonisë së Veriut më 5 maj të vitit 2019, pasi që kishte mposhtur në balotazh kandidaten e opozitës, Gordana Siljanovska-Davkova me një epërsi prej rreth 6 për qind të votave.
Gjatë mandatit të tij, Pendarovski ishte shquar për kultivimin e një kulture të respektit ndërmjet popujve përbërës të Maqedonisë së Veriut.
Së fundmi, ai kishte uruar shqiptarët për Ditën e Alfabetit, me një mesazh tejet unik, duke thënë – ndër të tjera – se “jemi krenarë që shqiptarët janë pjesë e pandashme e Maqedonisë së Veriut”.
Ndryshe, zgjedhjet e radhës presidenciale në Maqedoni të Veriut vijnë pas përfundimit të mandatit të Pendarovksit.
Raundi i parë i zgjedhjeve presidenciale është caktuar që të mbahet më 24 prill, ndërsa raundi i dytë pritet që të mbahet së bashku me zgjedhjet parlamentare më 8 maj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
A negocioi KFOR-i për tërheqjen e grupit të Radoiçiçit – komiteti i NATO-s konstaton, misioni paqeruajtës e mohon, qeveria hesht
-
Egnatia fiton titullin e parë në historinë e klubit në Superiore
-
Hamasi nga Rafahu shënjestron Tel Avivin, pse tani
-
Nga Basquiat te Warhol: Ja se si ndryshoi gjithçka në artin e 1984-s