Paraditen e së martës ka nisur në Bruksel takimi në mes të kryeministrit të Kosovës, Albin Kurti, presidentit të Serbisë, Aleksandër Vuçiç dhe përfaqësuesve të Bashkimit Evropian (BE).
Takimi në fjalë është i pari që zhvillohet mes Kurtit dhe Vuçiçit për dialogun Kosovë – Serbi.
Para takimit trepalësh, Përfaqësuesi i Lartë i Bashkimit Evropian për Politikë të Jashtme, Josep Borrell, dhe Përfaqësuesit i Posaçëm i BE-së për dialogun Kosovë-Serbi, Miroslav Lajçak, kanë takuar veç e veç të dy përfaqësuesit shtetërorë.
Albin Kurti, në Bruksel ka udhëtuar me zëvendëskryeministrin e vendit, Besnik Bislimi.
Ndërkohë në seancën plenare të 11 qershorit në Kuvendin e Kosovës, Kurti pati pohuar se mungesa e afateve kohore e ka dëmtuar procesin e dialogut.
“Ne jemi vend i pavarur, koha që kalon duhet ta ndryshojë realitetin në Serbi e t’i pranojnë krimet që kanë bërë në Kosovë. Pse të ngutemi, kur e kemi shpallur pavarësinë, askush nuk e ka menduar njohjen nga Serbia”.
Në anën tjetër, presidenti i Serbisë, nga Brukseli pati deklaruar se “pozicioni i Serbisë është i vështirë, por nuk ka forcë që do të na detyrojë të bëjmë diçka kundër interesave tona kombëtare”.
Para fillimit të takimit Kurti – Vuçiç, Përfaqësuesi i Lartë i Bashkimit Evropian për Politikë të Jashtme dhe Sigurisë, Josep Borrell, ka thënë se këto bisedime nuk janë të lehta, por janë të domosdoshme për të ardhmen e të dy vendeve.
Ndërsa për zëdhënësin e Qeverisë, Përparim Kryeziu, gjatë takimit Kurti – Vuçiç, kryeministri i Kosovës do të paraqesë “vizionin dhe qëndrimet e tij dhe Qeverisë së Republikës së Kosovës”, për një dialog që “duhet të jetë parimor dhe i drejtë, në shërbim të popujve të të dy vendeve dhe i shkëputur nga ai i kaluari”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Arma sekrete e Putinit Cosmos-2553, fuqia bërthamore për të shkatërruar satelitët
-
Kina: Ne mbështesim konferencën e paqes me Moskën dhe Kievin
-
Qeveria kroate jep 50 mijë euro për Baby Lasagna pas suksesit në Eurovision, por ai nuk i pranon: Ia dhuron dy instituteve mjekësore
-
Futbolli në Shqipërinë staliniste: 90 minutat e vetme kur njerëzit mund të jenë vetvetja
Lajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Arma sekrete e Putinit Cosmos-2553, fuqia bërthamore për të shkatërruar satelitët
-
Abdixhiku: Letra e Scholzit, Macronit e Melonit ekspozoi populizmin e Kurtit – dështim spektakolar, dëm historik