NBA ka vazhduar me një tjetër natë spektakolare, e cila mbi të gjitha ofroi takimin e dy skuadrave me rekordin më të mirë deri tani.
Golden State Warriors ishin mysafirë të Phoenix Suns, derisa gjatë të martës u zhvilluan edhe katër ndeshje tjera.
Phoenix Suns – Golden State Warriors:
Skuadra me rekordin më të mirë në perëndim dhe në NBA, u përballën me njëra tjetren.
Ndeshja ishte e barazpeshuar, por me Phoenix që ishte pak më efikase në ato periudha ku ishin më të mirë.
Ndeshja në fund u mbyll me tetë pikë diferencë, 104-96.
Çereku i katërt më i mirë e bëri të pamundur që Warriors të shmangnin humbjen.
Jordan Poole i Warriors ishte basketbollisti me më shumë pikë në këtë ndeshje, mirëpo performuesi më i mirë ishte Deandre Ayton.
Basketbollisti nga Bahamas arriti 24 pikë, 11 kërcime dhe dy asistime.
Me këtë fitore, barazohet tërësisht rekordi i këtyre dy skuadrave në krye.
Pas 21 ndeshjesh, të dy skuadrat kanë rekord 18-3.
Sacramento Kings – Los Angeles Lakers:
Lakers nuk e kishin fare të vështirë përballë Sacramento Kings.
Në fakt, King e kishin një pjesë të parë më të mirë, duke e mbyllur atë me nëntë pikë epërsi, 59-51.
Mirëpo, pas pushimit mes pjesëve u duk se dikush tjetër zbriti në fushë për Los Angeles Lakers.
Dy periudhat e pjesës së dytë, Lakers i mbyllën me 34 pikë epërsi.
Takimi u mbyll me rezultat 92-117.
Anthony Davis ishte basketbollisti më i dalluar i takimit, me 25 pikë, shtatë kërcime dhe tri asistime.
Lakers me këtë fitore ngjiten në vendin e tetë në perëndim, me rekord 12-11.
Kings mbesin në vendin e 11-të, me rekord 8-14.
Brooklyn Nets – New York Knicks:
Në një ndeshje shumë të luftuar, Nets fituan përpak.
Diferenca mes skuadrave në fund ishte vetëm dy pikë.
Brooklyn Nets e fitoi takimin me rezultat 112-110, në një takim që ishte i barabartë thuajse në çdo sekonda.
James Harden ishte njeriu i takimit.
The Beard shënoi 34 pikë dhe arriti dyshifrorë të dyfishtë me dhjetë kërcime, dhe shtoi edhe tetë asistime.
Nets vazhdojnë të udhëheqin në lindje, me rekord 15-6.
Knicks mbesin në vendin e 11-të, me rekord 11-10.
Dy ndeshjet tjera të zhvilluara gjatë të martës përfunduan me këto rezultate:
Toronto Raptors 91-98 Memphis Grizzlies
Portland Trail Blazers 110-92 Detroit Pistons
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE