Futbollisti i kombëtares shqiptare, i cili luan për ekipin Ferencvaros, Myrto Uzuni, ka rezultuar pozitiv me COVID-19.
Lajmin e kanë bërë të ditur mediat hungareze, sipas të cilave Uzuni bashkë me disa lojtarë dhe pjesëtarë të stafit teknik të klubit të Ferencvaros-it, janë infektuar me Coronavirus.
Nga kjo situatë, klubi hungarez është detyruar që të anulojë fazën përgatitore të janarit, e cila ishte programuar për t’u zhvilluar në Marbella të Spanjës.
Kujtojmë që Uzuni është futbollisti me paraqitjet më të mira në këtë edicion për Ferencvaros-in, i cili ka realizuar 19 gola në të gjitha garat.
Sulmuesi nga Berati e ka ndihmuar ekipin e tij të renditet në vendin e parë të ligës hungareze, me 35 pikë, një më shumë se vendi i dytë, Kisvarda.
Ndërkaq, Uzuni është pjesë e Ferencvaros-it që nga vera e vitit të kaluar, kur u transferua nga Lokomotiva e Zagrebit, për shumën e 1.8 milionë eurove.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Sllovakia, një vend pre i urrejtjes
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE
