Përfaqësues nga mbi 100 shtete janë zotuar se do të marrin masa për të parandaluar ndotjen e oqeaneve nga dora e njeriut, duke përfshirë këtu edhe implementimin e politikave të reja mbi peshkimin e jashtëligjshëm, mbetjet plastike dhe mbrojtjen e ujërave ndërkombëtarë.
Takimin e ka mirëpritur presidenti francez, Emmanuel Macron, i cili ka qenë drejtues i samitit “Një Oqean”, nën moton se ky vit, është vendimtar për të marrë zotimet e deklaruara.
I dërguari i posaçëm amerikan për klimën, John Kerry, tha se “oqeanet, e bëjnë jetën në tokë të mundur”. Për këtë arsye dhe për faktin se ato prodhojnë më shumë se gjysmën e oksigjenit që njerëzit thithin, ato duhen mbrojtur dhe nuk duhen rriskuar.
“Oqeanet dhe klima janë të ndërlidhur në mënyrë të pashmangshme. Ata janë një”, përmendi ai.
Pjesë e nismës janë 27 vendet e Bashkimit Evropian si edhe 16 vende të tjera. Të gjithë, u zotuan për ndjekjen e një marrëveshjeje globale deri në fund të vitit, për të rregulluar përdorimin e zonave të caktuara në oqeane.
Sipas Presidentes së Komisionit Evropian, Ursula von der Leyen, marrëveshja është pranë. Por, vendet duhen shtyrë, që ta firmosin atë brenda këtij viti.
Një raund i katërt pritet të mbahet në muajin mars në New York, ku mendohet se do të ketë edhe një përgjigje përfundimtare për çështjen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Urdhër-arrestet e Hagës, Hamasi: “Viktimat dhe xhelatët janë barazuar”
-
Kosova s’duhet të shndërrohet “strehë për kriminelët”, marrëveshja me Danimarkën sjellë “standarde të dyfishta”
-
Mexhiti: Puna e kryeparlamentarit e kryer, do t’i takojë “VLEN”-it
-
Aksioni në Veri, Daçiç: Kjo qasje do të sjellë konflikte të reja në Ballkan
Lajmet kryesore
-
“Prodhimi i armëve”, Çfarë parashikon projektligji i hedhur në konsultim
-
Kuvendi skualifikon 6 kandidatë për KLGJ dhe KLP
-
Versioni iranian se vdekja e Raisi-t erdhi nga një defekt teknik nuk i bind ekspertët
-
SHBA-ja akuzon Kosovën për “përshkallëzim të tensioneve” pas mbylljes së degëve të bankës serbe në veri