Shefja e grupit paralajmëtar të Lëvizjes Vetëvendosje, Mimoza Kusari, ka thënë i mbështetet thirrjet e Partisë Demokratike të Kosovës dhe Lidhjes Demokratike të Kosovës për mbajtjen e një seance të jashtëzakonshme në të cilën do ftohej për të raportuar kryeministri Albin Kurti, pas kidnapimit të tre policëve kosovarë nga Serbia.
“E mbështesim kërkesën tuaj për mbajtjen e seancës, siç i kemi mbështetur të gjitha kërkesat për raportimin e kryeministrit për dialogun me Serbinë”, tha Kusari në seancën e Kuvendit.
“Por ne duhet të vazhdojmë punën derisa të marrim një përgjigje nga kryeministri. Sot ky kuvend e përçon mesazhin e unitetit”, shtoi ajo.
Ajo ka theksuar se të gjithë janë të preokupuar me ngjarjet e fundit dhe aktin barbar të Serbisë, pasi ka kidnapuar tre policë të Kosovës.
“Policët ishin në territorin e Kosovës. Ky Kuvend e ka për detyrë të mbrojë sovranitetin e vendit. Ky Kuvend është vendi i demokracisë dhe përplasjes dhe vendimeve”.
Po ashtu Kusari ka theksuar se të mërkurën presidentja e Kosovës, Vjosa Osmani, mbajti fjalimin historik në Parlamentin Evropian duke e prezantuar Kosovën në ngjyra dhe mënyrën më të mirë të mundshme.
“Dje Kosova vazhdoi masën e paraburgimit për një kriminel e në të njëjtën ditë Serbia hyri në territorin e Kosovës dhe cenoi sovranitetin. Nuk ka krahasim në këto ngjarje. Më e mira e mundshme që mund të bëjmë sot është të vazhdojmë me detyrat tona dhe në këtë mënyrë të përcjellim mesazh uniteti”, ka thënë ajo.
Paraprakisht, kryetari i Partisë Demokratike të Kosovës, Memli Krasniqi, ka kërkuar nga kryetari i Kuvendit, Glauk Konjfuca, që ta ftojë për të raportuar në Kuvend kryeministrin Albin Kurti pas kidnapimit të tre policëve të Kosovës nga Serbia.
“Prioritet duhet të jetë kthimi i policëve tanë në Kosovë. Kryetar, ju lutem që ta kontaktoni kryeministrin Kurti që ta ftoni në një seancë sot për të raportuar se cilat janë veprimet e Qeverisë që janë duke ndërmarr për kthimin e policëve tonë, por edhe për situatën e sigurisë”, theksoi Krasniqi.
Sipas tij, situata në Kosovë “nuk është normale”, pasi rrëmbimit të policëve nga Serbia.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Balla takim në Drejtorinë e Policisë Kombëtare të Spanjës: Thellojmë bashkëpunimin, grupe të përbashkëta hetimore për aktivitetet kriminale
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE
-
Tre turistë spanjollë dhe një afgan u vranë nga një sulm në Afganistan
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Balla takim në Drejtorinë e Policisë Kombëtare të Spanjës: Thellojmë bashkëpunimin, grupe të përbashkëta hetimore për aktivitetet kriminale
-
Tre turistë spanjollë dhe një afgan u vranë nga një sulm në Afganistan
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE