Kryeministri i Kosovës, Albin Kurti, ka thënë se nuk ndihet i rrezikuar pas kërcënimeve që iu bënë të mërkurën e 27 tetorit, me ç’ rast edhe u rritën masat e sigurisë në shtëpinë e tij në lagjen ‘Taslixhe’ në Prishtinë.
Ai në një konferencë për media, ka thënë se “janë mekanizmat e shtetit ato që i bëjnë vlerësimet që bëhen në rrjete sociale”.
“Së pari unë nuk ndihem i rrezikuar, por janë organet e sigurisë që i vlerësojnë kërcënimet dhe i ndërmarrin veprimet në përputhje me rrethanat e caktuara”, është shprehur Kurti.
Madje ai ka theksuar se ky kërcënim nuk e ka penguar në punën e përditshme si kryeministër.
“Unë as dje as sot nuk e kam ndryshuar agjendën time. Janë mekanizmat e shtetit që i bëjnë vlerësimet që bëhen në rrjete sociale, është e pamundur që të merren me kërcënimet”, shtoi ai.
“Ka një kërcënim, i kemi rritë masat e sigurisë”, tha shkurt.
Edhe zëdhënësi i Qeverisë së Kosovës, Përparim Kryeziu, e ka konfirmuar për Albanian Post se shefi i tij është kërcënuar.
“Kryeministri Kurti është kërcënuar. Për këtë arsye, si masë e kujdesit të shtuar, është rritur edhe niveli i tij i sigurisë”, theksoi Kryeziu.
“Institucionet e hetuesisë dhe sigurisë tashmë janë duke bërë punën e tyre”.
Në anën tjetër, Kurti është pyetur nga gazetarët se çka do të veprohet meqë ka pasur paralajmërime nga Lista Serbe, nga Ministri për Komunitete dhe Kthim në Qeverinë e Kosovës, Goran Rakiç, për tërheqje nga institucionet e Kosovës në rast se nuk do të nisin bisedimet për Asociacionin deri në fund të muajit të ardhshëm.
“Nuk ka arsye dhe as shkaqe që përfaqësuesit e serbë në institucionet e Kosovës t’i braktisin ato”, ka deklaruar Kurti.
“Nëse bisedimet midis Beogradit dhe Prishtinës për formimin e AKS-së nuk fillojnë muajin e ardhshëm, tani po i informoj të gjithë faktorët përkatës, kryesisht qytetarët tanë, se ne do të lëmë pozicionet tona dhe do të japim dorëheqjen (nga Institucionet e Republikës së Kosovës)”, kishte deklaruar Rakiç.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dëshmitari i 63-të nis dëshminë në Speciale, i kërkohet të bëjë identifikimin e disa fotografive
-
Nis protesta e opozitës përpara Bashkisë Tiranë, sërish molotovë drejt godinës
-
Alibeaj në Komisionin e Ligjeve: Doni të emëroni njerëzit tuaj për të kapur kreun e SPAK
-
Kurti fajëson sistemin gjyqësor për arratisjen e Sekiraqës: Situata rëndohet kur raste të tilla s’ngjajnë të rastësishme
Lajmet kryesore
-
Ngërçi në Komisionin Hetimor për shëndetësinë merr zgjidhje, arrihet dakordësi mes palëve
-
Basha kujton revoltën e Spaçit: Të burgosurit nga diktatura kryen akt të paimagjinueshëm guximi
-
Versioni iranian se vdekja e Raisi-t erdhi nga një defekt teknik nuk i bind ekspertët
-
SHBA-ja akuzon Kosovën për “përshkallëzim të tensioneve” pas mbylljes së degëve të bankës serbe në veri