Komandanti i ushtrisë serbe kërkon nga KFOR-i që të marrë “masa urgjente për mbrojtjen e serbëve në Kosovë”
Shefi i Shtabit të Përgjithshëm të Forcave të Armatosura të Serbisë, Milan Mojsiloviç, në një konferencë të shkurtër për media, ka folur për situatën e sigurisë së serbëve në Veri të Kosovës.
Kërkesa kryesore e parashtruar në këtë konferencë nga gjenerali serb ishte që Misioni i NATO-s në Kosovë, KFOR-i, të marrë masa urgjente, siç pretendon ai, për mbrojtjen e serbëve në Kosovë.
“Në përputhje me të gjitha faktet e njoftuam komandantin e KFOR-it se me ankth po i përcjellim ngjarjet në Kosovë. Kjo është kërkesa jonë për njësitë e KFOR-it dhe institucionet e tjera në Kosovë. Ushtria serbe i përmbushë të gjitha obligimet e saja ligjore që dalin nga rezoluta 1244, por sot është e qartë se bashkësia ndërkombëtare nuk po i përmbushë obligimet e veta”, ka pretenduar ushtaraku serb.
Ai madje ka theksuar se ushtria serbe do t’i zbatojë të gjitha urdhrat që vinë nga komandanti suprem, në këtë rast presidenti i Serbisë, Aleksandër Vuçiç.
“Forcat e Armatosura Serbe, në përputhje me Kushtetutën e Serbisë dhe Kartën e OKB-së, nëse marrin urdhër nga Komandanti Suprem, do të kryejnë të gjitha detyrat e tyre në lidhje me krizën e përgjithshme të sigurisë, Rroftë Serbia”, ka shtuar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Texas-i fal ushtarin amerikan që qëlloi protestuesin e Black Lives Matter
-
Plagosje në Prizren, i dyshuari në arrati
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE
-
Ambasadorja e SHBA-ve në NATO, thirrje vendeve të Ballkanit Perëndimor të rrisin shpenzimet e mbrojtjes
Lajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE