Në prag të rënies së Murit të Berlinit, vrasja e një fëmije tronditi Gjermaninë Lindore. Një krim i tmerrshëm që u zgjidh në një mënyrë tejet origjinale dhe që e bëri atë të hyjë në historinë e kriminologjisë.
Më 28 janar 1981, një punëtor që punonte në binarët e hekurudhës në Schkeuditz gjeti një valixhe të vjetër ngjyrë kafe. Brenda, një zbulim makabër: kufoma e një fëmije të mbështjellë me një seri gazetash, që brenda ishin plot me fjalëkryqe të përfunduara.
Autopsia konstatoi se bëhej fjalë për Lars Bense-n, një djalë tetë vjeçar, zhdukja e të cilit ishte raportuar te stacioni i policisë, Volkpolizei, katërmbëdhjetë ditë më parë.
Hetimi për zhdukjen e Lars-it, i cili kishte qenë në kinema pranë shtëpisë së tij, nuk çoi në asnjë pistë. Por qeveria e Berlinit, nën presionin e trazirave që ky krim po shkaktonte në Gjermaninë Lindore (RDGJ), i kërkoi hetuesve zgjidhjen e çështjes me ngulm.
Ekipi hetimor vendosi të përqëndrohej në fjalëkryqet e gazetave të gjetura në valixhe. Pothuajse të gjitha ishin të përfunduara dhe për këtë arsye filluan të vlerësonin kaligrafinë e shkronjave.
Fillimisht policët mblodhën 21 mijë mostra kaligrafike nga njerëz të ndryshëm. Por asnjë provë konkrete e vrasjes nuk doli në pah.
Më pas policia e RDGJ shqyrtoi dokumentet e sigurimeve shoqërore dhe të regjistrit civil: kaluan nën këqyrjen e lentes 3 mijë kërkesa për strehim, 40 mijë regjistrime makinash, 250 mijë kërkesa për dokumente identiteti dhe 90 mijë kërkesa për telegrame.
Policia sekrete, Stasi, gjithashtu mori pjesë në operacion: bashkëpunëtorët e tij analizuan më shumë se 100 mijë dosje personale të kompanive të ndryshme. Me kërkesë të policisë, gazeta rajonale, Freiheit, nisi një konkurs bazuar në zgjidhjen e një fjalëkryqi të lehtë, duke shpërblyer me 10 marka lindore ata që do ishin në gjendje ta zgjidhnin.
Pionierët e shkollave mblodhën rreth 60 ton letër mbeturinash në rrugë dhe i paketuan duke regjistruar zonës nga vinin.
Së fundmi ekspertët kriminologë arritën në përfundimin se shkrimi i dorës ishte i një gruaje në moshë mesatare.
Ky monitorim i jashtëzakonshëm i të gjithë popullsisë përfundimisht drejtoi policinë në shtëpinë e zonjës Ingeborg Grüneberg, rreth 45 vjeçe, e cila jetonte pak metra nga shtëpia e Larsit të vogël.
Ingeborg ishte në të vërtetë autorja e fjalëkryqeve, por kriminologët thanë që nuk ishte ajo vrasësja.
Policia iu drejtua të dashurit të vajzës së saj: Mathias S., një djalë nëntëmbëdhjetë vjeç. Shumë pak kohë iu desh Mathias-it të rrëfente se çfarë kishte ndodhur më 15 janar 1981.
I qe afruar fëmijës, i cili po priste para kinemasë dhe, duke e ndjellur me lodra, e bindi që ta ndiqte në banesën e zonjës Grüneberg, ku ai e dhunoi atë fizikisht.
Nga frika se fëmija do të fliste, së pari e goditi me një çekiç në pjesën e pasme të kokës. Duke mos qenë i sigurt se ai kishte vdekur, vazhdoi ta godiste disa herë me thikë në zemër.
Zgjidhja e krimit përfundoi vetëm pas bashkimit të Gjermanisë. Vrasësi u dënua me dhjetë vjet në reformator e më pas me internim psikiatrik.
Hetimi ka hyrë në historinë e kriminalistikës si Krimi i fjalëkryqeve dhe mban rekordin e vlerësimeve të shkrimeve të dorës që ndonjëherë të të jenë kryer për zgjidhjen e një krimi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shtyhet mbledhja për fatin e kreut të KLP-së, Balla: Dua të dëgjohem
-
Opozita prapë me qëndrime të ndryshme për zgjedhjet e reja
-
Begaj uron Kosovën për marrjen e statusit të asociuar në Asamblesë Parlamentare të NATO-s
-
Osmani: Avancimi i statusit të Kosovës në Asamblenë Paralamentare, garanci se do të dëgjohet zëri i popullit më pro-NATO në botë
Lajmet kryesore
-
Kosova merr statusin e asociuar në Asamblenë Parlamentare të NATO-s, një hap i rëndësishëm drejt anëtarësimit të plotë
-
Shtyhet seanca e Belerit në GJKKO
-
Thirrja nga Gaza: Në Rafah s’ka më shpëtim, po vdesim drejtpërdrejtë në televizione
-
Shtyhet mbledhja për fatin e kreut të KLP-së, Balla: Dua të dëgjohem