Të sanksionosh apo të mos sanksionosh?
Kjo është dilema me të cilën do të përballen ministrat e Jashtëm të Bashkimit Evropian në diskutimin e tyre për Gjeorgjinë. Nuk do të ketë vendime.
Miratimi i ligjit për ndërhyrjen e huaj nga partia në pushtet, Ëndrra Gjeorgjiane, do të diskutohet nën “çështjet aktuale”.
Por të 27 vendet janë të ndarë në strategjinë që duhet ndjekur.
Në një takim të ambasadorëve të mërkurën e kaluar, vetëm Danimarka evokoi në mënyrë eksplicite “sanksione” kundër Ëndrrës Gjeorgjiane.
Polonia dhe vendet baltike janë në favor dhe shpjegojnë se Gjeorgjia rrezikon të kthehet në Bjellorusinë e re.
Franca sakaq nuk i përjashton.
Italia, së bashku me Portugalinë, Greqinë dhe Bullgarinë, rekomandojnë një qasje të kujdesshme: është e drejtë të kërcënohen pasojat, por është gjithashtu e nevojshme t’i dërgohen mesazhet e duhura secilit bashkëbisedues, duke përfshirë mesazhe pozitive për popullatën në rrugë kundër të ashtuquajturit “ligji rus”.
Thjesht miratimi i sanksioneve – sipas Italisë dhe vendeve të tjera – do të ishte një dhuratë për Sogno Georgiano, sepse mund të nënkuptojë se BE-ja po braktis Gjeorgjinë.
Rezultati në fund do të ishte që Përfaqësuesi i Lartë, Josep Borrell, do të ngarkohet të paraqesë një “listë opsionesh” se si të reagohet nëse Ëndrra Gjeorgjiane miraton “ligjin rus” dhe masat e tjera që e largojnë Gjeorgjinë nga BE-ja.
Një pezullim i procesit të anëtarësimit duket i sigurt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
