E gjithë ekspedita e ekipit olimpik të Kosovës, që do të udhëtojë pas pak ditësh për në Tokio, ka kryer edhe dozën e dytë të vaksinimit anti-COVID, njofton Komiteti Olimpik i Kosovës.
Vaksinimi është bërë në koordinim me Komitetin Olimpik Ndërkombëtar, të cilët kanë rekomanduar që ekipet olimpike të udhëtojnë të vaksinuar drejt kryeqytetit të Japonisë.
Me këtë rast, presidenti i Komitetit Olimpik të Kosovës, Ismet Krasniqi, ka falënderuar Ministrinë e Shëndetësisë, Ministrinë për Kulturë, Rini e Sport, si dhe stafin mjekësor për gjetjen e mirëkuptimit për të vaksinuar ekipin olimpik.
Ndërsa ekipi i xhudos e ka përfunduar më herët dozën e dytë të vaksinimit, pasi që ishin në udhëtime jashtë vendit për përgatitjen e Lojërave Olimpike.
Kujtojmë që Lojërat Olimpike “Tokio 2020” do të mbahen prej 23 korrik deri më 8 gusht në Tokio të Japonisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Duka për kandidaturën e përbashkët me Serbinë: Është interes kombëtar – i shërben edhe njohjes së Kosovës
-
Mirlind Daku shpërthen në lot për grumbullimin në Euro 2024 dhe poston mesazhin e veçantë: Jam djalë nga Kosova, më ka thirr Atdheu
-
Flet Sylvinho për shpalljen e listës kuqezi në Euro 2024: Nuk kemi kohë për eksperimente, të grumbulluarit e merituan
-
Sylvinho publikon listën e Kombëtares për Euro 2024 – Uzuni, Cikalleshi e Muja jashtë evropianit