Seanca e komunës së Zetës në Mal të Zi ku në rend dite pritej të ishte deklarata për tërheqjen e njohjes së Kosovës, nuk do mbahet këtë të diele, meqë nuk ka kuorum, shkruan mediumi malazez, Vijesti.
Gjatë muajit maj, Fronti Demokratik pro-rus, i cili ka pushtet absolut në Zetë, komuna më e re në Mal të Zi, pati marr një vendim për miratimin e një Deklarate, me të cilën, siç thanë ata, njohja e pavarësisë së Kosovës nuk do të vlejë në atë territor.
Por, ministri për të Drejtat e Njeriut i Malit të Zi, Fatmir Xheka, pati thënë për Albanain Post se deklarata e Komunës së Zetës në Mal Zi se njohja e pavarësisë së Kosovës nuk do të vlejë në atë territor u pritë me tallje
“Nuk mund të ndryshojë asgjë në qëndrimet e Qeverisë së Malit të Zi, vendime të tilla merren në nivel shtetëror dhe sa i përket Malit të Zi paralajmërimi i një vendimit të tillë u prit me tallje”, theksoi Xheka.
Mali i Zi më 24 prill votoi për pranimin e Kosovës në Këshillin e Evropës, për çka reaguan ashpër një pjesë e partive pro-serbe në pushtet, duke e gjykuar një politikë të tillë “të turpshme për Beogradin zyrtar”.
Ndryshe, Pavarësia e Kosovës u njoh nga Qeveria e Malit të Zi në vitin 2008, kur në pushtet ishte Partia Demokratike e Socialistëve (DPS) e Milo Gjukanoviçit, e cila në gusht 2020 humbi zgjedhjet nga Fronti Demokratik pro-serb dhe prorus, Demokratët dhe Lëvizja URA.
Gjukanoviç ka pësuar disfatë edhe në zgjedhjet presidenciale dhe zyrtarisht më 24 maj ia ka dorëzuar postin presidentit të sapozgjedhur, Jakov Milatoviç, i cili deklaroi se nuk do të ketë tërheqje të njohjeve të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Turistët në Mbretërinë e Bashkuar braktisin Spanjën dhe Greqinë për Shqipërinë, thotë gjigandi turistik
-
Sllovakia, një vend pre i urrejtjes
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE