Celibashi: Duhet të përmirësohet kuadri ligjor për mbikëqyrjen e fushatave zgjedhore online
Komisioni Qendror i Zgjedhjeve (KQZ) ka organizuar tryezën e diskutimit mbi mbikëqyrjen e fushatave zgjedhore në epokën digjitale.
Këtë, në bashkëpunim me International IDEA dhe Qendrën e Ligjit të Finlandës.
Atje kanë marrë pjesë përfaqësues të partive politike, organizatave joqeveritare, shoqërisë civile, të kompanisë META/Facebook, auditues zgjedhorë, financierët e partive politike dhe ekspertë ndërkombëtarë.
Në fokus ishte sfida e re e masivizimit të fushatave zgjedhore online dhe mënyrën se si aktorët politikë shpenzojnë gjithnjë e më shumë para në këtë sferë.
Fushata online operon shpesh në një mjedis me rregulla të paqarta dhe ku militojnë aktorët negative, ndaj institucionet mbikëqyrëse e kanë të vështirë të ndjekin ritmin e shpejtë të ndryshimeve në këtë mjedis digjital.
Ndaj dhe, International IDEA së bashku me Qendrës e Sundimit të Ligjit e Finlandës kanë zhvilluar studimin “Menaxhimi i Fushatës së Zgjedhjeve në Epokën Digjitale: Perspektiva për Rregullim dhe Transparencë më të Madhe në Shqipëri”.
Në tryezë u ndanë gjetjet paraprake të studimit me palët e interesuara në proceset zgjedhore.
Komisioneri Shtetëror i Zgjedhjeve, Ilirjan Celibashi, cilësoi si sfidë kryesore mungesën e ndryshimeve të shpejta në legjislacionin aktual për të reflektuar zhvillimet në fushën e fushatave online, mungesën e kapaciteteve të mbikëqyrjes, mosrespektimi i periudhave të heshtjes zgjedhore, fushata të paligjshme dhe shpenzime online nga palë të treta, si edhe raportimet e gabuara të shpenzimeve në media sociale.
Ai theksoi se është “e nevojshme të përmirësojmë kuadrin ligjor, të rrisim kapacitetet e organeve të mbikëqyrjes dhe të përcaktojmë standarde të qarta të transparencës për të siguruar integritetin e procesit zgjedhor dhe rritur besueshmërinë në politikë”.
Kurse zyrtarja e Programit të International IDEA, Blerta Hoxha, theksoi rëndësinë e adresimit në reformën e ardhshme zgjedhore, të sfidave me të cilat po përballet vendi ynë sa i përket fushatave zgjedhore online dhe shpenzimeve të partive politike/kandidatëve në platformat elektronike.
Ndërkaq, u diskutua edhe lidhur me mënyrat se si duhet të adresohen problematikat e zhvillimit të fushatave zgjedhore online.
Po ashtu u dakordësua mbajtja e diskutimeve të mëtejshme si përpjekje bashkëpunuese për të kontribuar në rekomandime për reformimin e kornizës rregullative në Shqipëri për Financimin e Fushatave Online.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Turistët në Mbretërinë e Bashkuar braktisin Spanjën dhe Greqinë për Shqipërinë, thotë gjigandi turistik
-
Parashikimi i motit, 18 maj 2024
-
Debutimi i Ermonela Jahos në Shtëpinë e Operas Mbretërore, Rama: Krenar për shqipet
Lajmet kryesore
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Turistët në Mbretërinë e Bashkuar braktisin Spanjën dhe Greqinë për Shqipërinë, thotë gjigandi turistik
-
Sllovakia, një vend pre i urrejtjes
-
Mbyllja e rrugëve ilegale s’po e ndalon hyrjen e armëve, Sveçla në kontradiktë me veten