Real Madrid-i në mbrëmjen e kaluar e mposhti Celtic-un me rezultat 0:3 në ndeshjen e parë të sezonit të ri në Ligën e Kampionëve.
Kjo fitore ishte e vlefshme e spanjollëve, derisa për trajnerin e tyre, Carlo Ancelotti-n, ishte fitorja e 100-të në Champions.
100 fitoret e Ancelotti-t në garën më të rëndësishme për klube në Evropë kanë ardhur me tetë klube të ndryshme që ai ka drejtuar.
Ai i arriti këto suksese në 180 ndeshje të zhvilluara, ku përveç fitoreve, numëron edhe 41 barazime dhe 39 humbje.
Deri më tani në historinë e Ligës së Kampionëve, vetëm një trajner ka arritur fitore më shumë se ai.
Bëhet fjalë për ish-trajnerin legjendar të Manchester United-it, Alex Ferguson, i cili në karrierën e tij numëron 102 fitore në Champions.
Pra, trajneri italian është dy fitore larg që ta barazojë rekordin me trajnerin skocez.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia
-
“Isha më i mirë, fitoren ia dhanë për shkak të Ukrainës”, Fury pasi u mposht nga Usyku
-
Apolonia fiton Kupën e Shqipërisë për vajza
-
Bundesliga mbyll sezonin, por sytë mbeten ende nga finalja e Champions League
