Agjenti i Chris Smalling, James Featherstone, ka mbërritur në Romë për të diskutuar një zgjatje të kontratës me klubin kryeqytetas.
Marrëveshja aktuale e Smalling skadon në qershor dhe Roma nuk dëshiron të ndahet me ish-qendërmbrojtësin e Manchester United, i cili është lidhur me një transferim të lirë në Inter ose Juventus.
Sipas “Calciomercato”, agjenti i lojtarit mbërriti në Romë këtë mëngjes për të takuar drejtorët e klubit dhe për të diskutuar një zgjatje të kontratës për klientin e tij.
Smalling është i lumtur te Roma dhe dëshiron të vazhdojë në “Stadio Olimpico”.
Roma, l'agente di Smalling è a Trigoria: il punto sul rinnovo per allontanare l'Inter https://t.co/4ma8P6C4al
— calciomercato.com (@cmdotcom) January 12, 2023
Sipas raportimeve në Itali, ai nuk do të marrë në konsideratë ofertat nga klubet e tjera në Serie A dhe mund të joshet vetëm nga një ofertë nga Premier League.
Smalling aktualisht përfiton 3.8 milionë euro në sezon dhe Roma është e hapur t’i japë qendërmbrojtësit me përvojë një rritje të pagës nëse ai nënshkruan një marrëveshje dyvjeçare.
Mediumi i lartcekur shkruan që “Giallorossi” mund të ofrojë edhe një kontratë trevjeçare, por do të ulë pagën e tij në 3.2 milionë euro në sezon.
Kujtojmë që 33-vjeçari është pjesë e klubit italian që nga vera e vitit 2019, fillimisht u huazua nga Manchester United, pastaj një vit më vonë u ble për shumën e 15 milionë eurove.
Deri më tani, qendërmbrojtësi ka bërë 119 paraqitje me fanellën e Romës në të gjitha garat, prej të cilave ka shënuar 10 gola.
Që nga ardhja e Jose Mourinho-s në krye të Romës, Smalling ka qenë një nga futbollistët kryesorë të trajnerit portugez. Andaj, zgjatja e kontratës me shumë mundësi do të ndodhë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Qeveria britanike e bindur: Berisha i përfshirë në krim të organizuar dhe korrupsion – synohen politikanë të tjerë të lidhur me krimin
-
Ekspozimi i fëmijëve online, “faturë e madhe” – Intervistë e Albanian Post me Edmond Liçajn, ekspert IT
-
Dy ditë pas urdhrit të Gjykatës së Hagës, masakër ndaj civilëve në Rafah: Më shumë se 40 të vdekur
-
Asambleja Parlamentare e NATO-s vendos sot nëse do t’ia avancojë statusin Kosovës