Një dramë e paparë ligjore po mbërthen Afrikën e Jugut, pasi ish-presidenti Jacob Zuma i ka kërkuar gjykatës të tërheqë vendimin për ta arrestuar atë deri në mesnatë.
79- vjeçari, u detyrua të japë dorëheqjen në vitin 2018, pas nëntë vjetësh në pushtet.
Javën e kaluar Gjykata Kushtetuese e Afrikës së Jugut e dënoi atë me 15 muaj burg për shpërfillje të gjykatës. E gjitha erdhi pasi ai nuk mori pjesë në asnjë seancë ku po hetohej për korrupsion.
Është e paqartë se si do veprojë policia. Në teori, udhëheqësi veteran duhet të jetë në duart e autoriteteve të burgut deri në mesnatë me orën lokale. Kjo pasi ai ka refuzuar të vetëdorëzohet të dielën e 4 korrikut.
Por të martën avokatët e tij iu drejtuan Gjykatës së Lartë në Pietermaritzburg për të ndaluar arrestimin dhe gjykimi nuk do të merret deri në 11:30 me kohën lokale.
A do të lëvizë policia kundër Zumës apo jo?
Para seancës së të martës, avokatët e policisë i thanë Gjykatës Kushtetuese se do të ndalonin urdhrin e arrestit duke pasur parasysh “situatën unike të paraqitur nga zhvillimet dhe matrica ligjore e përfshirë”.
Kjo do të thotë se ata do të presin deri në një vendim tjetër për të ndaluar apo jo Zuma-n.
Sidoqoftë, të tjerët po theksojnë se urdhri i arrestit qëndron ende.
Ministri i Brendshëm, Bheki Cele, ka deklaruar për mediat se ai besonte se, “policia po hidhej nën autobus nga gjykatat e Afrikës së Jugut”. Si dhe ata kishin “ngatërruar” një gjykim “shumë të qartë” duke lejuar që ofertat ligjore të Zuma-s të vazhdonin.
I pyetur nëse ai vetë mund të ishte në telashe nëse nuk arrinte të zbatonte urdhrin e arrestit, Ministri u përgjigj se, “nuk jam i përgatitur të akuzohem për shpërfillje të gjykatës”.
Zëdhënësi i tij shtoi të mërkurën se, “nëse nuk dëgjojmë asgjë nga Gjykata Kushtetuese – të cilën nuk e kemi dëgjuar deri më tani – ne kemi afat deri në mesnatën për të ekzekutuar urdhrin”.
Mbështetësit zotohen të bllokojnë arrestimin
Megjithëse Zuma u detyrua të largohej nga detyra dhe nga partia e tij, në Kongresin Kombëtar Afrikan (ANC), ai mban një trup besnik të mbështetësve. Veçanërisht në provincën e tij të lindjes KwaZulu-Natal.
Afrika e Jugut nuk ka parë kurrë një ish-president të burgosur më parë. Ata janë të vendosur që njeriu dikur i quajtur “presidenti i Teflon”, i shquar për mënyrën e tij të të “mbijetuarit” të mos jetë i pari që arrestohet.
Të dielën, turmat formuan atë që ata e quajtën një mburojë njerëzore jashtë shtëpisë të Zuma-s.
Mungesa e ndërhyrjes policore bëri që shumë njerëz të pyesnin nëse ish-presidenti ishte mbi ligjin.
Kush është Jacob Zuma?
Zuma, një veteran i luftës kundër sundimit të pakicës së bardhë në Afrikën e Jugut i cili ishte burgosur për 10 vjet në ishullin Robben së bashku me Nelson Mandela, ka deklaruar se ai është i përgatitur të shkojë në burg.
Sidoqoftë, ai argumentoi se, “dërgimi im në burg gjatë kulmit të një pandemie, në moshën time, është e njëjtë me dënimin me vdekje”.
Ish-presidenti ka thënë vazhdimisht se ai është viktimë e një komploti politik. Ai ka dëshmuar vetëm një herë në hetimin e korrupsionit në atë që është bërë e njohur si “kapja e shtetit” – duke zhvendosur pasuritë e shtetit – duke refuzuar të paraqitej përsëri.
Në një çështje të veçantë ligjore, Zuma u deklarua i pafajshëm muajin e kaluar në një gjyq për korrupsion që përfshinte një marrëveshje armësh prej 5 miliardë dollarësh në vitin 1990.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
CNN: ICC kërkon urdhër arresti kundër Sinwar dhe Netanyahu-t për krime lufte
-
Kondov: Baza e integrimeve evropiane të Kosovës dhe Serbisë është procesi i dialogut
-
Megaoperacioni i SPAK/ Burg për 4 anëtarët e tjerë të grupeve kriminale, shtyhet vendimi për Emiljano Shullazin
-
Drejtësia e re, Wisner: Është koha të ndërmerrni hapa më të ndërlikuar