Ish-presidenti i Afrikës së Jugut Jacob Zuma apelon dënimin me burg

Jacob Zuma, ish-presidenti i Afrikës së Jugut, të shtunën e 3 korrikut, apeloi vendimin e Gjykatës Supreme, ku e dënoi me 15 muaj heqje lire.

Policia u urdhërua nga Gjykata Supreme të arrestonte 79-vjeçarin, pasi ai nuk u paraqit në seancën e gjyqit të dielën e kaluar.

Ish-presidenti po hetohet që prej muajit janar për korrupsion.

Zuma u rrëzua si president mes skandaleve të shumta për korrupsion në vitin 2018. Këto akuza ai i ka mohuar vazhdimisht.

Ai kishte nëntë vite në pushtet dhe vazhdimisht ka refuzuar të bashkëpunojë me gjyqtarët që hetojnë shkeljet gjatë qeverisjes së tij.

Ditët e fundit, politikani veteran është përpjekur të mbledhë mbështetje politike.

Këto të fundit ai po i zhvillon në fortesën e tij në provincën KwaZulu-Natal. Megjithëse përpjekjet e tij për të ndezur ndonjë protestë më të gjerë për arrestimin e tij kanë dështuar deri më tani.

Një turmë e vogël u mblodh jashtë shtëpisë së Zuma-s në Nkandla. Përkrahësit përfshinin rreth dy duzina gra që thanë se kishin udhëtuar më shumë se 300 km brenda natës nga provinca fqinje e Kepit Lindor.

Një grup mbështetësish të tjerë arritën me dy mini-autobusë duke tundur flamuj të ANC-së dhe të veshur me bluza të bardha me mbishkrimin ‘ëenzeni uZuma’, Zulu për “Çfarë ka bërë Zuma?”

Analistët në Afrikën e Jugut u befasuan nga vendimi i Gjykatës Supreme për të marrë në konsideratë sfidën e ish-presidentit ndaj vendimit të saj.

“Nëse Zuma shkon në burg, mund të themi se kemi shtetin e së drejtës në Afrikën e Jugut. Nëse ai nuk e bën, atëherë ne nuk e bëjmë”, tha Ralph Mathekga, një autor dhe analist politik.

Në gjykimin e saj javën e kaluar, Gjykata Supreme e Afrikës së Jugut vuri në dukje se ish-presidenti kishte “përsëritur në mënyrë të vazhdueshme se ai preferonte më mirë të burgosej sesa të bashkëpunonte me hetimin ndaj tij për korrupsion”.

Zuma më pas paraqiti një deklaratë prej 30 faqesh, duke akuzuar gjykatësit për “zëmërim” dhe sugjeroi që Gjykata Supreme “të rivlerësojë nëse ka vepruar brenda kushtetutës”.

Gjithashtu në deklaratë thuhej se shëndeti i Zuma-s do të rrezikohej në burg sepse ai nuk do të ishte në gjendje të merrte kujdesin që i duhej dhe mund të infektohej me Covid-19.

Përbuzja e akuzave të gjykatës kishte të bënte me dështimin e vazhdueshëm të Zuma-s për të dalë në hetimin e korrupsionit të udhëhequr nga zëvendës shefi i drejtësisë i Afrikës së Jugut, Raymond Zondo, në shkurt.

Shumë dëshmitarë kanë përshkruar atë që duket se ka qenë korrupsion dhe keqadministrim i përhapur nën sundimin e Zuma, por ish-presidenti ka dëshmuar vetëm një herë, në korrik 2019-ë, përpara se të organizonte largimin një ditë më vonë.

Në shkurt, Zondo tha se do të kërkonte një urdhër nga gjykata kushtetuese për të detyruar Zuma-n të dëshmonte ose të shkonte në burg sepse përndryshe “mesazhi i dërguar është që njerëzit mund të injorojnë ose të shpërfillin thirrjet dhe urdhrat e gjykatave pa u ndëshkuar dhe atje do të mbetet shumë pak nga demokracia jonë”.

Zuma ka akuzuar Zondo-n për paragjykim duke thënë se akuzat kundër tij janë formuluar nga aktorë të ndryshëm që përfshijnë agjenci të inteligjencës jashtë shtetit.

Shumica e korrupsionit të pohuar nën hetim nga komisioni përfshin tre vëllezër nga një familje e pasur indiane, Guptas.

Këta të fundit fituan kontrata fitimprurëse qeveritare dhe thuhet se ishin në gjendje të zgjidhnin ministrat e kabinetit.

Mediat e Afrikës së Jugut kanë qenë mbështetëse të Gjykatës Kushtetuese.

Mathekga tha se shumica e Afrikanëve të Jugut dëshironin të mbanin shtetin e ligjit.

Pasardhësi i Zuma-s si president, Cyril Ramaphosa, një aktivist i punës i kthyer në një manjat të pasur, ka ndërmarrë hapa për të shuar korrupsionin.

Ramaphosa mori detyrën e presidentit të Afrikës së Jugut pas një beteje të hidhur të brendshme brenda ANC-së dhe mes zemërimit publik për akuzat për keq menaxhim dhe korrupsion sistematik.

Zemërimi është ndezur nga një seri skandalesh që përfshijnë shuma të mëdha të fituara në mënyrë korruptive në kontratat qeveritare për furnizime emergjente në luftën kundër pandemisë Covid-19. Si dhe grante për të mbështetur më nevojtarët.

Zuma përballet me 16 akuza, për evazion fiskal dhe pastrim parash. Për mashtrim dhe korrupsion në lidhje me një marrëveshje armësh të vitit 1999, ai është deklaruar i pafajshëm.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.