Presidentja e Kosovës, Vjosa Osmani, në 16-vjetorin e miratimit të Kushtetutës, ka thënë se zbatimi i saj na ndihmon në procesin integrues në familjen euroatlantike.
Këto komente, Osmani i ka i bërë në një komunikatë për media të lëshuar nga Presidenca.
“Sot, në ditën e miratimit të Kushtetutës, e cila është normë supreme që përcakton identitetin dhe vlerat e shoqërisë sonë demokratike, rikonfirmojmë përkushtimin tonë institucional për zbatimin dhe afirmimin e këtyre vlerave”, ka thënë Osmani.
E para e vendit ka theksuar se kushtetuta jonë është udhërrëfyese, “ndaj zbatimi pakompromis i saj na ndihmon dhe përshpejton procesin tonë integrues drejt familjes së madhe euroatlantike”.
Ditë e Kushtetutës e ka uruar edhe ambasadori i Shteteve të Bashkuara të Amerikës në Kosovë, Jeffrey Hovenier.
Hovenier deklaroi se shteti që ai përfaqëson është krenar për mbështetjen ndaj popullit të Kosovës deri në përmbushjen e vizionit të përcaktuar në kushtetutë për një Kosovë të lirë, demokratike e paqedashëse.
“Gëzuar Ditën e Kushtetutës, Kosovë! Kosovarët e kanë përfshirë në kushtetutën e tyre vendosmërinë për të ‘ndërtuar një të ardhme si një vend i lirë, demokratik dhe paqedashës që do të jetë atdhe për të gjithë qytetarët e saj…’. Jemi krenarë për mbështetjen tonë teksa jemi partnerë me popullin të Kosovës për të arritur vizionin e përcaktuar në Kushtetutën e Kosovës”.
Sot bëhen 16 vjet nga miratimi i Kushtetutës së Kosovës (9 prill 2008) që e nxori Kosovën nga administrimi ndërkombëtar në bazë të rezolutës 1244 të Kombeve të Bashkuara (OKB), ndërsa Kuvendi i Kosovës, dy muaj më pas, ratifikoi aktin më të lartë juridik i cili më 15 qershor të të njëjtit vit hyri në fuqi.
Hovenier uron Ditën e Kushtetutës: Jemi krenarë me popullin e Kosovës
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Akademiku malazez: Nëse ideja e Vuçiç-it ka sukses, Ballkani do digjet sërish
-
Basha kujton revoltën e Spaçit: Të burgosurit nga diktatura kryen akt të paimagjinueshëm guximi
-
Kurti ose Osmani – kandidatë për Çmimin Nobel nëse lëvizin drejt Asociacionit, thotë Joseph
-
Clewing: Kosova bëri shumë lëshime, gabim të mendohet se Asociacioni zgjidhet vetvetiu
Lajmet kryesore
-
“Prodhimi i armëve”, Çfarë parashikon projektligji i hedhur në konsultim
-
Kuvendi skualifikon 6 kandidatë për KLGJ dhe KLP
-
Versioni iranian se vdekja e Raisi-t erdhi nga një defekt teknik nuk i bind ekspertët
-
SHBA-ja akuzon Kosovën për “përshkallëzim të tensioneve” pas mbylljes së degëve të bankës serbe në veri