Gjatë 24 orëve të fundit, 11 persona kanë humbur betejën me coronavirus-in dhe kanë rezultuar pozitivë 304 qytetarë në Shqipëri.
Gjatë kësaj dite vërehet një rritje e numrit të rasteve të reja, si dhe numri i vdekjeve nga Covid-19 në Shqipëri.
Aktualisht në spitalet COVID, në Tiranë dhe në spitalet rajonale Shkodër, Durrës, Elbasan, janë duke u trajtuar 293 pacientë. 11 prej tyre ndodhen në terapi intensive, nga të cilët pesë janë të intubuar.
Janë kryer 2 mijë 730 testime dhe janë shëruar 593 qytetarë.
Gjithashtu gjatë fundjavës dhe ditëve në vazhdim ka nisur vaksinimi masiv, kryesisht për grupmoshat +70 vjeç.
Kujtojmë se më 24 mars, Komiteti i Ekspertëve vendosi të zgjasë me dy javë masat shtrënguese në kuadër të pandemisë. Orari i kufizimeve nuk ndryshon. Po ashtu, edhe rregullat për grumbullimet.
Gjithashtu të shtunën e 27 marsit u lajmërua nga kryeministri Edi Rama, se në rajon do të vijnë 651 mijë vaksina Pfizer.
Ministria e Shëndetësisë dhe Mbrojtjes Sociale ka aprovuar gjithashtu vaksinën kineze.
Mesditën e së enjtes, 25 mars, kanë mbërritur, në aeroportin “Nënë Tereza”, avionët me 192 mijë vaksina kineze, të nisura nga Turqia.
Ministria gjithashtu ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID-19.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
‘Dualizmi’ i Mitsotakis – Nga një anë thotë se është mbështetësi kryesor i integrimit të Ballkanit, nga tjetra i vë kushte Shqipërisë dhe Maqedonisë së Veriut
-
Kuvendi miraton vetëm me votat e shumicës Rezolutën antikorrupsion të PS-së
-
Dashnor Sula e quan skenar ogurzi miratimin e rezolutës antikorrupsion nga PS: Synohet kontrolli i SPAK
-
Balla thotë se Shqipëria nuk është ndër vendet me nivel të lartë kriminaliteti
Lajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Detyroni Rusinë të bëjë paqe, Zelensky i kërkon Perëndimit
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse