Dy anije luftarake amerikane po kalojnë nëpër ngushticën e Tajvanit, njoftoi Marina amerikane.
Ky është operacioni i parë i tillë që ndodh që kur tensionet midis Tajvanit dhe Kinës u rritën pas vizitës së kryetares së Dhomës së Përfaqësuesve të SHBA, Nancy Pelosi, në Tajvan në fillim të muajit gusht.
Kina reagoi duke mbajtur stërvitje ushtarake në shkallë të gjerë në zonë.
SHBA-të dhe disa marina të tjera të vendeve perëndimore lundruan në mënyrë rutinore përmes ngushticës vitet e fundit.
Washingtoni thotë se dy kryqëzorët me raketa të drejtuara – USS Antietam dhe USS Chancellorsville – po demonstrojnë lirinë e lundrimit nëpër ujërat ndërkombëtare.
Pekini i sheh veprime të tilla si provokuese dhe pohon se ishulli i Tajvanit është një pjesë integrale e territorit kinez.
Marina amerikane tha në një deklaratë se tranziti përmes ngushticës së Tajvanit demonstroi “angazhimin e Shteteve të Bashkuara për një Indo-Paqësor të lirë dhe të hapur”.
“Këto anije kaluan tranzit përmes një korridori në ngushticën që është përtej detit territorial të çdo shteti bregdetar”, thuhet në deklaratë.
Tajvani është i vetëqeverisur, por Kina e sheh atë si një provincë të shkëputur me të cilën do të bashkohet përfundimisht.
Ai është bërë një tjetër pikë e ndezur mes tensioneve të rritura dhe retorikës së mprehtë midis Washingtonit dhe Pekinit në vitet e fundit.
SHBA-të i përmbahen politikës “Një Kinë” – themeli i marrëdhënieve diplomatike të dy vendeve që njeh vetëm një qeveri kineze – dhe ka lidhje formale me Pekinin dhe jo me Tajvanin.
Por ajo gjithashtu mban një marrëdhënie “të fortë jozyrtare” me ishullin. Kjo përfshin shitjen e armëve Tajvanit për t’u mbrojtur.
Tensionet në Tajvan: Kina ndërpret bashkëpunimin me SHBA-të për çështje kryesore
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kina po përgatit një flotë të gjerë ushtarake për të pushtuar Tajvanin, raporton The Telegraph
-
“Është për të ardhur keq – do të duhej të dërgohej në Kushtetuese draft-statuti i Asociacionit”, Cramon për dështimin e Kosovës në KiE
-
Piktura e sapo vërtetuar e Caravaggio-s po shfaqet në Madrid
-
Kina nuk i harron aktivistët pro-demokracisë, edhe pse ndodhen përtej kufijve
Lajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Detyroni Rusinë të bëjë paqe, Zelensky i kërkon Perëndimit
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse