Twitter-i i ka kërkuar një gjykate në Delaware që ta detyrojë Elon Musk-un të respektojë marrëveshjen prej 44 miliardë dollarësh për të blerë kompaninë.
Kjo i hap rrugën një beteje ligjore midis sipërmarrësit miliarder dhe platformës së mediave sociale.
Kompania e ka ngritur padinë në gjykatën e Delaware, vetëm disa ditë pasi Musk njoftoi se planifikonte të përfundonte marrëveshjen.
E gjitha pasi ka pretenduar se Twitter-i kishte shkelur marrëveshjen duke mos ndarë informacione të mjaftueshme për llogaritë e rreme.
Kurse për avokatët e kompanisë, pretendimet e Musk-ut ishin “pretekste dhe nuk kishin asnjë meritë”.
Ata kanë argumentuar se shefi ekzekutiv i Tesla-s po përpiqej të tërhiqej nga marrëveshja në vend që të “mbante koston” e prishjes në aksionet e teknologjisë.
“Pasi organizoi një spektakël publik për të vënë në lojë Twitter-in dhe pasi propozoi dhe nënshkroi një marrëveshje bashkimi miqësore me shitësin, Musk me sa duket beson se ai është i lirë të ndryshojë mendje”, shkruhet në ankesën e tyre.
Po ashtu ata e akuzojnë atë për një listë të gjatë të shkeljeve materiale kontraktuale që kanë zbehur Twitter-in dhe biznesin e tij, duke përfshirë pezullimin e marrëveshjes, shkeljen e detyrimeve financiare dhe keqpërdorimin e informacionit konfidencial.
Sakaq, lëvizja nis një luftë të rrëmujshme ligjore midis Twitter-it dhe një prej përdoruesve të tij më pjellorë dhe më të fuqishëm. Avokatët e kompanisë i kanë kërkuar gjykatës të përshpejtojë një gjyq për muajin shtator.
Marrë nga “Financial Times”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kush është Ilya Sutskever, shkencëtari i shkëlqyer që u largua nga OpenAI
-
Si e ktheu inteligjenca artificiale një YouTuber-e ukrainase në ruse?
-
Mustafa Suleyman: AI do të na bëjë të pasur, por nëse i bëjmë gjërat siç duhet
-
OpenAI konsideron të lejojë përdoruesit të krijojnë pornografi të krijuar nga AI
Lajmet kryesore
-
Ngërçi në Komisionin Hetimor për shëndetësinë merr zgjidhje, arrihet dakordësi mes palëve
-
Nis protesta e opozitës përpara Bashkisë Tiranë, sërish molotovë drejt godinës
-
Khamenei, udhëheqësi suprem i Iranit: Hapi derën e pushtetit për Pasdaran për t’iu kundërvënë lëvizjes reformiste
-
SHBA-ja akuzon Kosovën për “përshkallëzim të tensioneve” pas mbylljes së degëve të bankës serbe në veri