Kina ka detyruar firmat e mëdha shtetërore të sigurimeve që të kryejnë kontrolle urgjente për ekspozimin e tyre ndaj Rusisë dhe Ukrainës.
Kjo vjen pas shqetësimeve që vërtiten për dëmtimin e dy ekonomive mes luftimeve intensive.
Masa mësohet të jetë shkaktuar gjithashtu nga sanksionet gjithëpërfshirëse që janë vendosur nga shumë vende ndaj Rusisë.
Dy firmave të mëdha shtetërore të sigurimeve u është kërkuar nga rregullatorët të kryejnë kontrolle të brendshme mbi ekspozimin e portofolit të tyre të biznesit dhe investimeve ndaj Rusisë dhe Ukrainës.
Të paktën kështu ka rezultuar nga disa raportime për agjencinë “Reuters”.
Lëvizja ravijëzon përpjekjet e Pekinit për të minimizuar rrezikun mbi institucionet e veta edhe pse vazhdon të mbajë lidhje të forta tregtare me Rusinë përballë sanksioneve të vendosura nga Perëndimi.
Veçanërisht qeveritë perëndimore po e mbyllin ekonominë e Rusisë nga sistemi financiar global, duke i shtyrë kompanitë ndërkombëtare të ndalojnë shitjet, të ndërpresin lidhjet dhe të heqin dhjetëra miliarda dollarë investime.
Kina, ekonomia e dytë më e madhe në botë, ka shprehur vazhdimisht kundërshtimin e sanksioneve, duke i quajtur ato joefektive dhe duke këmbëngulur se do të mbajë shkëmbime normale ekonomike dhe tregtare me Rusinë.
Sakaq, nuk është e qartë se çfarë veprimi do të ndërmarrë Pekini pasi kompanitë e sigurimeve të kenë kryer rishikimet.
Agjencia “Reuters” tregon se një nga autoritetet rregullatore i ka kërkuar një siguruesi të kontrollojë projektet e lidhura me Ukrainën dhe Rusinë në mënyrë urgjente.
Kurse një tjetër kompani ka marrë një kërkesë urgjente për të kontrolluar ekspozimin e firmës ndaj dy vendeve dhe për të paraqitur një raport mbi të.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin