Klubi basketbollistik, Peja, ka emëruar trajnerin e ri në skuadër, i cili është maqedonasi Marin Dokuzovski.
Lajmin e ka bërë të ditur vetë klubi i Pejës, të cilët përmes një postimi në faqen e tyre zyrtare, njoftuan se kanë marrë në skuadër trajnerin nga Maqedonia e Veriut.
“Njoftojmë se KB Peja ka arritur marrëveshje me trajnerin nga Maqedonia e Veriut, Marin Dokuzovski”, thuhet në njoftimin e KB Pejës.
Dokuzovski njihet si një ndër trajnerët më të mirë në rajon dhe ka një përvojë të madhe si trajner i Reprezentacionit të Maqedonisë së Veriut dhe ekipe si: MZT Skopje, Rabotnicki, Lukoil, Sigal Prishtina etj.
Ai numëron disa suksese në karrierën e tij në Kampionatin e Maqedonisë së Veriut, në Bullgari dhe në Kosovë.
Pra, Dokuzovski ka përvojë edhe basketbollin e Kosovës, i cili në vitin 2014 kishte drejtuar Sigal Prishtinën.
Kujtojmë që Peja mban vendin e tretë në tabelën e Art Motion Superligës së Kosovës në basketboll.
Ata a aktualisht kanë 31 pikë, tri më pak se liderët Golden Eagle Ylli dhe Trepça.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE