Dy vjet pas zhdukjes së saj, një vajzë 6-vjeçare është gjetur e gjallë dhe me shëndet të plotë në një dhomë të improvizuar.
Ajo po qëndronte nën një shkallë, në një shtëpi, në shtetin e Nju Jorkut.
Lajmi u bë i ditur nga policia, e cila dyshonte se ajo ishte rrëmbyer nga prindërit e saj biologjikë, të cilët nuk e kishin në kujdestari.
Oficerët e gjetën vogëlushen, Paislee Shultis, në një shtëpi në qytetin e Saugerties, dy vjet pasi ajo u zhduk nga zona Spencer, 290 kilometër në perëndim, tha në një deklaratë Departamenti i Policisë Saugerties.
Në atë kohë, policia besonte se prindërit e saj biologjikë, Kimberly Cooper, 33 vjeç, dhe Kirk Shultis Jr, 32 vjeç, e kishin rrëmbyer atë. Çifti nuk kishte kujdestarinë e vajzës, tha policia.
Të hënën, policia mori një informacion për vendndodhjen e vajzës dhe, më pas, morën një urdhër kërkimi.
Ata thanë se shkuan në shtëpinë e gjyshit të vajzës ku kërkuan për rreth një orë përpara se të gjenin fëmijën e fshehur në një dhomë të improvizuar, nën një të mbyllur që të çonte në bodrum.
Pas heqjes së dërrasave të shkallëve, vajza dhe nëna e saj Kimberly u gjetën të fshehura në një dhomë të errët dhe të lagësht, tha policia.
Paislee u dërgua në rajonin e policisë, ku mjekët e ekzaminuan atë, tha policia për “Daily Freeman”, gazetën lokale të komunitetit.
Vajza ishte në gjendje të mirë shëndetësore dhe u la të shkonte te kujdestari i saj ligjor.
Policia arrestoi prindërit dhe gjyshin e vajzës, Kirk Shultis, 57 vjeç.
Ata përballen me akuzat për ndërhyrje në kujdestari dhe rrezikim të mirëqenies së një fëmije.
Policia tha se e intervistoi Kirk Shultis Jr disa herë, që kur vajza u zhduk. Ai pohoi se nuk kishte njohuri për vendndodhjen e saj dhe u tha oficerëve se nuk e kishte parë fëmijën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Begaj bisedë me Cameron: Vlerësim të veçantë për shtimin e trupave në KFOR
-
Hoxhaj: Kosova është marrë peng nga Kurti – Qeveria anti-perëndimore
-
Nga presionet politike te krimi i organizuar, bilanci i Altin Dumanit te “Ligjet”
-
Kovaçevski jep dorëheqje nga pozita e kryetarit të LSDM-së, pas humbjes në zgjedhje
Lajmet kryesore
-
Nga presionet politike te krimi i organizuar, bilanci i Altin Dumanit te “Ligjet”
-
Begaj bisedë me Cameron: Vlerësim të veçantë për shtimin e trupave në KFOR
-
Sunak shpall zgjedhjet e jashtëzakonshme në Britani, më 4 korrik
-
Gjithçka si në vitet 90-ta, kjo është shtëpia-shkollë që nxori 9 gjenerata në kohën e okupimit