Drejtori i Policisë Kriminale në Shqipëri, Tonin Vocaj, deklaroi mbrëmjen e 19 janarit në emisionin “Open”, të kanalit televiziv Top Channel, se hetimi për makinën e djegur në autostradën Gjegjan-Reps në Pukë dhe zhdukjen e drejtuesit të tij është shtrirë në dy pista. Ai ka deklaruar se autoritetet shqiptare janë në bashkëpunim me autoritetet italiane në Perugia për zbardhjen e çështjes.
“Kemi dy mundësi. Ngjarja mund të jetë aksidentale ose kriminale. Jemi duke hetuar në këtë drejtim në bashkëpunim me autoritetet italiane”, tha Vocaj.
Vocaj hodhi poshtë akuzat e gazetarëve në studio për prishjen e vendngjarjes dhe provave nga ana e policisë. Gazetarët e akuzuan policinë për moskallëzimin e eshtrave të gjetura në makinë, një ditë pas aksidentit.
“Kjo ngjarje ka marrë vëmendjen e duhur. Policia ka bërë me dije se automjeti është gjetur i djegur. Të nesërmen është parë që në makinë ka pasur eshtra. Në këtë moment kemi kërkuar grupin e ekspertëve nga Tirana. Grupi i ekspertëve e ka gjetur makinën në komisariatin e Pukës. Nuk ka pasur më njoftime për shtyp, sepse ka qenë kushtëzim nga hetimi”, deklaroi Vocaj.
Ngjarja është regjistruar fillimisht si shkatërrim prone, por pasi janë gjetur mbetjet kockore, kjo ngjarje i ka kaluar Prokurorisë.
Kujtojmë se ngjarja ka ndodhur më datën 8 janar, në autostradën Gjegjan-Reps. Makina tip “Skoda Fabia” u gjet e djegur. Ajo ishte marrë me qira në Rinas nga ish-arbitri italian, Davide Pecorelli. Ky i fundit rezulton i zhdukur prej disa ditësh. Ka dyshime të forta që mund të jetë djegur në makinë, por nuk ka një konfirmim nga ana e policisë.
Gazetarja, Anila Hoxha, bëri me dije se Davide është një sipërmarrës, sepse ka një regjistrim në QKR në gusht të vitit të kaluar.
“Automjeti ka GPS dhe itenerari është i qartësuar”, sqaroi Hoxha.
Në emision u përmend edhe aksidenti i përplasjes së dy makinave, përballë TVSH-së. Gazetarja Hoxha bëri me dije se nga ky aksident ka pasur dy të lënduar, ndërsa policia nuk ka raportuar të tillë. U bë e ditur se drejtuesi i BMW-së është nipi i një zyrtari të lartë. Ai ka marrë vetëm një gjobë për këtë ngjarje.
Kujtojmë se aksidenti u shkaktua nga një tip mjet “BMW” për shkak të shpejtësisë së madhe.
Zëvendësministri i Brendshëm, Julian Hodaj, deklaroi në emision se për tre vitet e fundit ka një ulje të aksidenteve.
Vetëm 19 ditët e para të janarit kemi mbi 80-të aksidente, me 13-të humbje jetësh./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Turistët në Mbretërinë e Bashkuar braktisin Spanjën dhe Greqinë për Shqipërinë, thotë gjigandi turistik
-
Parashikimi i motit, 18 maj 2024
-
Debutimi i Ermonela Jahos në Shtëpinë e Operas Mbretërore, Rama: Krenar për shqipet
Lajmet kryesore
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Turistët në Mbretërinë e Bashkuar braktisin Spanjën dhe Greqinë për Shqipërinë, thotë gjigandi turistik
-
Sllovakia, një vend pre i urrejtjes
-
Mbyllja e rrugëve ilegale s’po e ndalon hyrjen e armëve, Sveçla në kontradiktë me veten