Aktualisht në të gjithë vendin janë 6 vatra aktive.
Ky është bilanci i Ministrisë së Mbrojtjes (MM) në Republikën e Shqipërisë, nëpërmjet një deklarate zyrtare ku ka bërë me dije gjendjen e vatrave të zjarrit.
Sipas ministrisë dy vatra janë shuar plotësisht, ndërsa një vatër mbetet e izoluar.
Zjarri në Gadishullin e Karaburunit vijon të jetë aktiv. Vazhdon operacioni sërish sot për shuarjen e vatrave.
I izoluar është zjarri në fshatin Cukal, njësia administrative Shllak, bashkia Vau Dejës.
“Sot”, bën me dije ministria, “ka filluar operacioni për shuarjen e plotë të tij”.
Gjithashtu MM-ja ka njoftuar se ende vijon zjarri në Fushë-Arrëz, i cili ishte më problematiku mbrëmjen që lamë pas.
Në ndihmë të punonjësve vendorë ka shkuar edhe mbështetja me efektivë nga Forcat e Armatosura.
Nga ana tjetër, në fshatin Lukan, në Dibër flakët momentalisht janë izoluar.
Në fshatrat e Njësisë Administrative Antigone kanë vijuar të jenë aktive vatrat e zjarrit në fshatrat Arshi Lengo, Asim Zeneli, Krinë.
Operacioni po vijon për shuarjen përfundimtare të tyre.
Në fshatrat e Njësisë Administrative Lunxhëri vijojnë të jenë aktive vatrat e zjarrit në fshatrat Qesorat, Dhoksat, Tranoshisht dhe Saraqinisht.
Vijon të jetë aktiv zjarri në fshatin Gadurovë- Selishtë, bashkia Mallakastër. Sot kanë filluar operacionin forcat në nivel qarku.
Gjithashtu sipas deklaratës së MM-së, është shuar zjarri në një sipërfaqe me pisha dhe shkurre në Qafë Murrë, bashkia Dibër si dhe në Malin e Shëngjinit, bashkia Lezhë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
PD-ja italiane – pas fjalëve të Ramës – i kërkon Melonit të ndalojë fondet për kampin e emigrantëve në Shqipëri
-
Nagavci hap tender për ekspert që monitoron kritikat e mediave
-
I shkarkuar apo në detyrë? – KLP vendos të hënën për fatin e Alfred Ballës
-
Krasniqi letër Kurtit, Abdixhikut dhe Haradinajt për nevojën e mbajtjes së zgjedhjeve të parakohshme