Mijëra zjarrfikës nga Shtetet e Bashkuara të Amerikës (SHBA) ishin në luftë me zjarrin, i cili deri të enjten në mëngjes u shtri deri në rreth 2 mijë e 259 hektarë dhe arriti 25% kontroll.
Përgjatë tri ditëve, erëra të fuqishme nxitëse shtynë zjarrin në Caldor në lindje përmes ‘Sierra Nevadës’, duke detyruar dhjetëra mijëra njerëz të linin banesat e tyre.
Situata duket më e qëndrueshme me kthimin e erërave në favorin e tyre.
Banorët e “South Lake Tahoe” janë përgatitur për t’u larguar.
Erërat pritej të qetësoheshin gjatë fundjavës, por zjarrfikësit u ndeshën me vështirësi.
“Ne po luftojmë dhe presim erëra të qetësohen”, tha Stephen Vollmer, në Kaliforni. Tashmë qetësimi i erërave ka bërë të mundur që zjarrfikësit të shuajnë zjarret në pyjet e dendura.
Ndryshimi i klimës ka rritur rreziqet e zjarrit në të gjithë perëndimin. E gjitha kjo ka bërë që ky vit të jetë ndër më të vështirët për sa i përket luftës me zjarret.
Tymi nga zjarret po mbyt pjesën e madhe të perëndimit. Studiuesit janë të shqetësuar sa i përket ndotjes së ajrit në “South Lake Tahoe”, pasi e konsiderojnë ndër më të rrezikshmet në botë.
“Tymi nga zjarri ka një përbërje kimike të ndryshme dhe efekte më të rënda shëndetësore sesa ndotja e trafikut”, tha Yifang Zhu, profesoreshë e shëndetit mjedisor.
Ajo, gjithashtu, ka studiuar sesi mjegulla e trashë mund të kontribuojë në përhapjen e COVID-19.
“Njerëzit, të cilët janë të ekspozuar ndaj ndotjes së ajrit që përmbajnë nivele të larta të grimcave, janë më të ndjeshëm ndaj COVID-it”, tha ajo.
Më shumë se 4 mijë e 450 zjarrfikës vazhdojnë të shuajnë zjarrin. Zjarri në Sierra Nevada ka kërcënuar edhe Liqenin Taho.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pezullohen negociatat për pengjet në Gaza
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Mbyllja e rrugëve ilegale s’po e ndalon hyrjen e armëve, Sveçla në kontradiktë me veten
-
Turistët në Mbretërinë e Bashkuar braktisin Spanjën dhe Greqinë për Shqipërinë, thotë gjigandi turistik
Lajmet kryesore
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Turistët në Mbretërinë e Bashkuar braktisin Spanjën dhe Greqinë për Shqipërinë, thotë gjigandi turistik
-
Sllovakia, një vend pre i urrejtjes
-
Mbyllja e rrugëve ilegale s’po e ndalon hyrjen e armëve, Sveçla në kontradiktë me veten