Nënshkruhet marrëveshja “Mbi njohjen e ndërsjellë të lejeve të drejtimit me qëllim konvertimi”, mëngjesin e ditës së enjte, më 18 mars, ndërmjet Këshillit të Ministrave të Republikës së Shqipërisë dhe Qeverisë së Republikës së Italisë, në Tiranë.
Marrëveshja u nënshkrua nga ministrja për Evropën dhe Punët e Jashtme, Olta Xhaçka, dhe nga Ambasadori i Italisë në Shqipëri, Fabrizio Bucci.
Nënshkrimi do të pasohet nga përfundimi i proceduarve të brendshme ligjore të secilës palë, deri në botimin në Fletoren Zyrtare.
Firmosja e marrëveshjes u lajmërua nga Xhaçka, gjatë takimit që ajo pati javën e kaluar në Romë, me homologun italian, Luigi Di Maio.
Gjatë atij takimi u konfirmua dakordësia për një prej marrëveshjeve me ndikim të madh te mijëra shqiptarë që jetojnë e punojnë në Itali.
“Janë pikërisht veprime konkrete si ky, edhe pse në dukje të vogla në skemën e madhe të diplomacisë, që kanë impaktin më konkret e të drejtpërdrejtë te qytetarët”, tha Xhaçka pas takimit, në Romë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE
