Qeveria ukrainase nuk dëshiron që të bëhet pjesë e paketës “ballkanike” të zgjerimit të BE-së dhe të lëvizë në grup me shtetet e Ballkanit Perëndimor – përfshirë Shqipërinë.
Zëvendës kryeministrja për Integrimin Evropian dhe Euro-Atlantik të Ukrainës, Olga Stefanishyna e tha këtë në një intervistë për “E vërteta evropiane”.
“Ne nuk duam të ndjekim gjurmët e vendeve të fundit të zgjerimit, nuk duam të jemi pjesë e formatit ballkanik të zgjerimit – sepse çdo valë e zgjerimit ka aspektet e saj historike… Ne nuk jemi në pozicionin që të presim dhe të festojmë në shkallë kombëtare hapjen e negociatave për çdo kapitull të veçantë të Marrëveshjes për anëtarësim drejt BE-së”, vuri në dukje zëvendës kryeministrja.
Sipas saj, Ukraina nuk është e kërcënuar nga fati i Maqedonisë së Veriut, e cila po kërkon prej 15 vitesh që t’i bashkohet Bashkimit Evropian.
Stefanishyna theksoi se Ukraina e ka marrë iniciativën në duart e veta dhe “nuk rri e pret” për udhëzime se si të lëvizë drejt BE-së, por zbaton në mënyrë proaktive ndryshimet e brendshme të nevojshme për këtë, veçanërisht falë Marrëveshjes së Asociimit.
“Pasi morëm kohët e fundit statusin e kandidatit, jemi ende shumë të avancuar në çështjet që lidhen me negociatat me BE-në, duke kuptuar se çfarë është e aftë dhe çfarë nuk është e aftë të bëjë BE-ja”, tha ajo.
Olha Stefanishyna e konsideron vitin 2023 si një horizont realist për hapjen e negociatave për anëtarësim dhe parashikon se Ukraina do të jetë në gjendje të përmbushë kushtet e negociatave brenda tre viteve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Putin kërkon të kërcënojë me migrimin masiv, paralajmëron kryeministrja estonez
-
Haradinaj: Dështimi në KiE i faturohet Kurtit – eksperimentet e tij shkaktuan dështimin më të madh të Kosovës në arenën ndërkombëtare
-
Maqedonci: Operacioni “Interflex”, tregues i nivelit të bashkëpunimit me Mbretërinë e Bashkuar
-
Ushtria Izraelite njofton gjetjen e trupave të tre pengjeve në Gaza
Lajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Operacioni i SPAK, Balla: Lufta kundër krimit të organizuar po jep rezultat
-
Moska dhe Pekini qëndrojnë së bashku teksa konflikti shkatërron Ukrainën
-
Qeveria shtyn procesin e regjistrimit të popullsisë pas kërkesave të 11 komunave