Presidenti i La Liga-s, Javier Tebas nuk ka asnjë dyshim në mendjen e tij se Gerard Pique një ditë mund të bëhet një president i madh i FC Barcelona.
Pique, 35, çuditërisht njoftoi se do të tërhiqet nga futbolli në fund të këtij muaji.
I pyetur nëse beson se mbrojtësi veteran një ditë do të kryesojë Barcelonën, Tebas tha: “Nuk kam asnjë dyshim”.
“Ai ka tre kushte për t’u bërë [president] i Barcelonës. Ai ka qenë në klub për 25 vjet. Ai e njeh botën e futbollit, si lojtar, dhe industrinë e futbollit dhe sportit e njeh si biznesmen”.
“Ai e di se ato janë aspekte shumë të ndryshme. Ai ka pasur përvojë në marrjen e vendimeve si biznesmen, me sukseset dhe dështimet e tij, dhe ai mund të bëhet një president i madh i FC Barcelona”.
“Unë besoj se mundet. Besoj se ai ka kapacitetin për ta bërë këtë. Ai është shumë i ri dhe ka shumë vite për t’u bërë president i Barcelonës. Ai e di që ju duhet të keni përvojë për të marrë rolin e presidentit të një prej klubeve më të mëdha, nëse jo në mesin e dy klubeve më të mira në botë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
