![](https://albanianpost.com/wp-content/uploads/2024/05/bardhi-bardhi.jpg)
Kreu i Grupit Parlament të PD-së, (Rithemelimi) Gazment Bardhi pas daljes së tij nga Prokuroria e Posaçme SPAK lidhur me dosjen “Xibraka”, në të cilën ai pretendon se i përfshirë është vëllai i kryeministrit Edi Rama, Olsi – tha se u pyet nëse kishte diçka për të shtuar si person në dijeni.
“Gjithçka që kam denoncuar publikisht e kam dorëzuar në SPAK. Jam informuar me shkrim nga drejtuesi i SPAK dhe hetuesit e BKH se dosja e Xibrakës është rihapur, ka rinisur hetimi për identifikimin e personave të përfshirë. Seanca e marrjes në pyetje kishte vetëm një pyetje, u thirra si person në dijeni dhe u pyeta nëse kisha diçka për të shtuar”, tha Bardhi.
Lidhur me dy kallëzimet për shpifje të Olsi Ramës ndaj tij, Bardhi u shpreh se interesi i tij është vijimi i hetimeve.
Ai ishte thirrur të dëshmonte më herët, por për shkak të angazhimeve, u vendos që të paraqitet sot, në arën 10:00.
Nga ana tjetër, kryeministri Rama ka kërkuar nga SPAK që të ndajë të vërtetën nga shpifja në lidhje me dosjen Xibraka.
Bardhi vetë, më 8 maj pretendoi se SPAK ka rinisur hetimet për Olsi Ramën dhe e ka thirrur vetë Bardhin të dëshmojë sa i takon çështjes.
“Jam njoftuar se procedimi penal 335/1 është vendosur rifillimi i hetimeve të pezulluara duke u numërtuar procedimi 88 i vitit 2024 dhe në javët në vazhdim, në cilësinë e personit që ka dijeni jam ftuar për të dhënë shpjegime në prokurorinë e posaçme”, bëri me dije Bardhi, duke publikuar edhe dy shkresa bashkëngjitur.
Reagimi i kryeministrit Rama ka qenë i drejtpërdrejtë dhe i menjëhershëm pas deklaratave të Bardhit.
Përmes një publikimi në X, ish-Twitter, ai formuloi fillimisht se “llafet i merr era, ndërsa drejtësia vepron vetëm me ligje e me prova, prandaj tani pas llafeve të mëdha edhe një detaj i vogël mungon dhe pastaj jemi krejt në rregull”.
“Pra mungon konfirmimi në dëshminë ligjore para SPAK-ut nga vetë B-ja i vogël (i referohet Bardhit) me gojën e madhe, se kur ka shkruar “Informacion” në fakt kallëzuesi i rremë nuk ka dashur t’ia hedhë me procedurë rrezikut që vjen nga marrja si i pandehur për kallëzim të rremë, po thjesht ka pasur një moment lajthitje profesionale”, vijoi më tej.
Teksa, më tutje, thotë se në rast se plotësohet kjo mungesë domethënëse për fatin e të vërtetës, atëherë SPAK-u ka të gjithë mundësinë ta ndajë të vërtetën nga shpifja dhe viktimën nga fajtori.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Asllani ‘qan’ rastin e Manajt, Sylvinho kërkon fokus, Bajrami me sytë nga Kroacia
-
Reforma territoriale la fshatin pa shërbime dhe përkeqësoi cilësinë e tyre në qytet, sipas Bankës Botërore
-
‘Kushtet e paqes’ të Putinit hidhen poshtë në samitin e Ukrainës
-
“Shkrime të pavërteta dhe tendencioze”, policia demanton raportimet e mediave serbe për “rrahjen” e disa të rinjve serbë