Kabineti sudanez ka votuar për të ratifikuar traktatin themelues të Gjykatës Ndërkombëtare Penale (ICC).
Ky veprim rrit mundësinë që ish-presidenti Omar al-Bashir të përballet me gjyqin për gjenocid.
Kryeministri Abdalla Hamdok, me anë të një deklaratë në median sociale Twitter, shkroi se projektligji për t’u bashkuar me Statutin e Romës të gjykatës me bazë në Hagë u miratua “njëzëri”.
Pas përmbysjes së ushtrisë së al-Bashir në vitin 2019-ën, Sudani është udhëhequr nga një administratë kalimtare civil-ushtarake, e cila është zotuar që të sjellë drejtësi për viktimat e krimeve të kryera nën sundimin e tij.
Sudani ende nuk ka caktuar një organ legjislativ, si dhe vendimi ka nevojë për miratimin e Këshillit Sovran.
Ky këshill është një organ i përbashkët, i cili është autoriteti më i lartë i vendit dhe ka për detyrë ta udhëheqë atë drejt zgjedhjeve të lira dhe të ndershme.
Hamdok, në postimin e tij, bëri me dije se do të kishte një takim të përbashkët mes Këshillit qeverisës dhe kabinetit për “miratimin e ligjit”.
Kabineti nuk ofroi një afat kohor për ratifikimin.
Akuzat ndaj ish-presidentit
Al-Bashir kërkohet nga ICC-ja nën akuzat për gjenocid, krime lufte dhe krime kundër njerëzimit.
Organizata e Kombeve të Bashkuara, në raportet e saj, ka shkruar se 300 mijë njerëz janë vrarë dhe 2.5 milionë të tjerë janë shpërngulur në luftën që shpërtheu gjatë vitit 2003.
Kohë kjo, kur rebelët kryesisht jo-arabë morën armët kundër qeverisë qendrore të mbizotëruar nga arabët në kryeqytetin, Khartoum, duke e akuzuar atë për margjinalizim politik dhe ekonomik.
Qeveria e Al-Bashir-it u përgjigj, duke nxjerrë në rrugë milicinë famëkeqe, të lidhur me qeverinë e njohur si Janjaweed.
Grupet e të drejtave të njeriut kanë akuzuar prej kohësh al-Bashir dhe ish-ndihmësit e tij për përdorimin e një politike të ashpër, duke urdhëruar përdhunime, vrasje, plaçkitje dhe djegie të fshatrave.
Mohimi i akuzave
Al-Bashir i ka mohuar akuzat kundër tij dhe u kishte shpëtuar përpjekjeve të mëparshme për ta dërguar atë në Gjykatën e Hagës.
Aktualisht ai po mbahet në burgun e sigurisë së lartë Kober në Khartoum, së bashku me ish-ndihmësit gjithashtu të kërkuar nga ICC-ja.
Ish-presidenti u dënua në dhjetor të 2019-ës për korrupsion dhe ishte në gjyq në Khartoum që nga korriku i 2020-ës, për grushtin e shtetit të vitit 1989 që e solli atë në pushtet.
Administrata kalimtare e Sudanit është në bisedime me ICC-në rreth mundësive për të sjellë para gjyqit al-Bashir dhe ish-ndihmësit e tij.
Një pengesë ishte mosqenia palë e Sudanit në Statutin e Romës.
Në fund të majit, ish-kryeprokurorja e ICC-së, Fatou Bensouda, vizitoi Darfur-in dhe u bëri presion zyrtarëve sudanezë që të dorëzonin al-Bashir dhe udhëheqës të tjerë të kërkuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Texas-i fal ushtarin amerikan që qëlloi protestuesin e Black Lives Matter
-
Plagosje në Prizren, i dyshuari në arrati
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE
-
Ambasadorja e SHBA-ve në NATO, thirrje vendeve të Ballkanit Perëndimor të rrisin shpenzimet e mbrojtjes
Lajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE