Forcat Tokësore (FT) të Shqipërisë përdorën për herë të parë sistemet amerikane të fluturimit pa pilot (UAS), për kontrollin e zjarrit në ishullin e Sazanit.
Lajmin e bëri të ditur ministri i Mbrojtes, Niko Peleshi me anë të një statusi në median sociale, Facebook.
Si shkruan se sistemi i fluturimit pa pilot “PUMA RQ-20B”, përveç përdorimit ushtarak, u përdor për monitorimin e vatrave të zjarrit në Sazan.
Kjo mundësi, iu ofrua Forcave të Armatosura të Shqipërisë nga SHBA-të.
“Mirënjohje për mbështetjen e vazhdueshme dhe të pakursyer të SHBA. Falënderim për efektivin e mirëtrainuar të FT dhe komandantin gjenal Arben Kingji” mbyll shkrimin Peleshi.
Kujtojmë se vetëm disa orë më parë, ministri Peleshi lajmëroi neutralizimin e vatrave të zjarrit në ishullin e Sazanit. Kjo pas një pune të pandërprerë nga toka dhe ajri.
Peleshi bëri me dije se 122 efektivë të Forcave të Armatosura, nëntë mjete, dy anije u angazhuan në operacionin e nisur tri ditë më parë për të shuar flakët.
Forcave në terren iu bashkua avioni “Canadair CL 415”, i ardhur si mbështetje nga Greqia, në kuadër të Mekanizmit të Mbrojtjes Civile të Bashkimit Evropian.
“Situata në ishullin e Sazanit është nën kontroll”, theksoi Peleshi.
Ndërsa puna vijon për të shmangur totalisht mundësinë e rindezjes së flakëve për shkak edhe të bimësisë.
Më herët u bë i mundur edhe neutralizimi i vatrave të zjarrit në njësinë administrative Orosh të Mirditës.
54 efektivë të Forcave të Armatosura iu bashkuan forcave zjarrfikëse në aksionin për shuarjen e vatrës së zjarrit.
Në operacionin, i cili u finalizua në një kohë të shpejtë, u bë e mundur shmangia e përhapjes së flakëve pranë banesave.
Nga ana tjetër, Peleshi ka shprehur mirënjohjen për punën e të gjithë ekipeve të angazhuara.
Po ashtu u bëri thirrje qytetarëve, turistëve që këtë sezon pritet të jenë të shumtë të bëjnë kujdes, pasi kjo verë parashikohet të jetë e nxehtë dhe rreziku nga zjarret mbetet evident.
“Falënderime të përzemërta Mekanizmit të Mbrojtjes Civile të BE-së për mbështetjen, shtetit fqinj Greqisë për përgjigjen në kohë rekord me avionin Canadair”, e përmbyll Peleshi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përplasi automjetin e koleges, AMP shpall në kërkim punonjësin e policisë së Himarës
-
Drejtësia në Shqipëri bazohet edhe në besimin e publikut, thotë Pasztory
-
Klosi: Vizita e Ramës në Athinë padyshim lidhet edhe me votën e emigrantëve
-
Begaj takim me Rößler, në fokus marrëdhëniet politike dhe ekonomike mes Shqipërisë dhe Gjermanisë
Lajmet kryesore
-
Drejtësia në Shqipëri bazohet edhe në besimin e publikut, thotë Pasztory
-
Ligji për Akademinë e Shkencave përfundon në Kushtetuese, Zhupa dorëzon padinë
-
Eurovizioni, mjeti i preferuar i “fuqisë së butë” të Izraelit?
-
Kurti e transformoi politikën e jashtme të shtetit në një lojë të brendshme elektorale