“Shqipëria arrin 600 mijë vaksinime”.
Këtë e bëri të ditur kryeministri i Shqipërisë, Edi Rama, nëpërmjet një postimi në median sociale Facebook, pasditen e së dielës, më 9 maj.
Po ashtu edhe ministrja e Shëndetësisë dhe Mbrojtjes Sociale, Ogerta Manastirliu, shpërndau postimin në median sociale Twitter.
Numri i saktë i të vaksinuarve sot nuk është publikuar nga ministrja. Gjithsesi, bazuar në shifrat e djeshme, sot janë vaksinuar 3 mijë e 234 qytetarë.
#ShqipëriaBuzëqesh🌼 pic.twitter.com/P59XnWMjIj
— Ogerta Manastirliu (@GManastirliu) May 9, 2021
Përsa i përket numrit të rasteve të reja si dhe humbjet e jetës nga Covid-19, Shqipëria ka parë një ulje të ndjeshme.
Situata në spitale shfaqet më e qetë dhe në rënie të dukshme.
Gjithashtu Shqipëria ka dalë jashtë zonës së kuqe.
Sipas Manastirliut kjo ka ardhur “falë masave të shënjestruara dhe efekteve të vaksinimit që po fillojnë të ndihen”.
Mbrëmjen e 4 majit, mbërritën 11 mijë e 700 doza të tjera të vaksinës Pfizer.
Manastirliu bëri me dije se 7 mijë e 20 doza janë nga kontrata e qeverisë shqiptare me kompaninë Pfizer. Ndërsa pjesa tjetër 4 mijë e 680 nga marrëveshja me Bashkimin Evropian (BE)”.
Nga kjo skemë Shqipëria do të marrë 145 mijë doza të vaksinës Pfizer.
Në Shqipëri kanë mbërritur deri tani mbi 760 mijë doza të vaksinave anti-Covid. Ndërsa janë siguruar përmes kontratave të deritanishme, 2.1 milionë doza.
Të vaksinuarit me të dy dozat e vaksinave kanë kaluar mbi 100 mijë. Ndërkohë, vazhdon procesi i rivaksinimit në gjithë Shqipërinë.
Nё diagramёn e publikimeve tё faqes shkencore, Our World in Data, tregohet Shqipёria nё vend tё parё, pёr administrimin e dozave pёr 100 persona, tё javёs sё fundit, duke u vendosur në krah të BE-së, me të njëjtin rezultat.
Shqipёria kryeson listёn e administrimit tё dozave nё fushatёn e vaksinimit anti-Covid.
Katër janë vaksinat e përdorura në vendin tonë: Pfizer, AstraZeneca, Sputnik V dhe Sinovac.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
U zbuluan nga megaoperacioni i SPAK, përjashtohen nga Policia e Shtetit dy efektivë të lidhur me bandat
-
Projekt pilot për pagesat elektronike, Rama: Eviton evazionin nga bizneset
-
Vrau ish-gruan Enkelejda Danaj me thikë në Athinë, lihet në burg shqiptari
-
Megaoperacioni i SPAK/ Burg për 4 anëtarët e tjerë të grupeve kriminale, shtyhet vendimi për Emiljano Shullazin
Lajmet kryesore
-
Si mund të kërkojë dikush më shumë?
-
U zbuluan nga megaoperacioni i SPAK, përjashtohen nga Policia e Shtetit dy efektivë të lidhur me bandat
-
A do t’i miratojë ICC urdhër-arrestet për udhëheqësit e Izraelit dhe Hamasit?
-
Osmani pas takimit me zyrtaren e DASH-it: Çdo sukses i Kosovës mban edhe vulën e SHBA-së