Kryetari i Kuvendit të Shqipërisë, Gramoz Ruçi, ka shprehur “mirënjohjen e Kuvendit për qëndrimin inkurajues të Parlamentit holandez, për mbajtjen e Konferencës së Parë Ndërqeveritare me Shqipërinë, si dhe për rritjen e investimeve holandeze në Shqipëri”.
Në takimin e së hënës së 5 korrikut, në kuadër të përfundimit të misionit të ambasadores së Holandës në Shqipëri, Guusje Korthals Altes, ai vlerësoi kontributin e ambasadores, në forcimin e marrëdhënieve dypalëshe të dy shteteve.
Në mënyrë të veçantë, Ruçi vlerësoi kontributin për informimin e Parlamentit dhe Qeverisë dhe kontributet pёr arritjet e Shqipërisë në rrugëtimin e saj evropian.
Më tej, kryetari i Kuvendit tha se, marrëdhëniet dypalëshe me Holandёn janë pasqyruar edhe në rritjen e bashkëpunimit ekonomik.
“Për të tretin vit radhazi, Holanda është investitori më i madh në Shqipëri dhe ne kemi besim se ky bashkëpunim do të vijë duke u zgjeruar e forcuar”, theksoi Ruçi.
Nga ana tjetёr, ambasadorja Guusje Korthals Altes, falënderoi Gramoz Ruçin për vlerësimin e punës së saj, si dhe të bashkëpunimit midis dy shteteve.
Po ashtu, ambasadorja potencoi se Vendet e Ulëta do vazhdojnë ta mbështesin integrimin evropian të Shqipërisë, konsolidimin e vlerave evropiane, mbajtjen sa më shpejt të Konferencës së Parë Ndërqeveritare me Shqipërinë dhe rritjen e investimeve holandeze në Shqipëri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE