Rreth 30 mijë njerëz janë larguar nga Mariupol

Autoritetet në Mariupol thonë se rreth 30 mijë njerëz janë larguar nga qyteti deri më tani. Kështu ka raportuar agjencia e lajmeve ndërkombëtare “Reuters”.

Këshilli lokal vlerëson se më shumë se 350 mijë njerëz janë ende të strehuar në qytet.

Qyteti port është i rrethuar nga forcat ruse dhe ka parë disa nga bombardimet më të ashpra të konfliktit.

“Reuters” raportoi radhë të gjata makinash që shkojnë në veri nga Mariupol, disa me shenja në xhamin e përparmë me fjalën “fëmijë” të shkruar në rusisht.

Zyrtarët ukrainas thonë se banorët kanë mbetur të bllokuar në qytet nga bombardimet ruse pa ngrohje, energji elektrike dhe ujë të rrjedhshëm për shumicën e dy javëve të fundit.

Këshilli i qytetit shtoi se puna është duke vazhduar për të përcaktuar numrin e viktimave të mundshme nga greva në teatrin e Mariupol-it, ku më shumë se 1 mijë njerëz – kryesisht gra dhe fëmijë – ishin fshehur në një strehë për bomba.

Kujtojmë që kjo është dita e 22-të e luftimeve mes Rusisë dhe Ukrainës. Kjo e fundit ka bërë një rezistencë të lartë kundër trupave dhe bombardimeve ruse.

Sipas OKB-së, rreth 3 milionë njerëz janë larguar nga Ukraina dhe numri i ushtarëve rusë të vrarë nuk dihet ende – mendohet mbi 13 mijë.

Ndërsa rreth 2 mijë e 500 civilë janë vrarë vetëm në Mariupol nga bombardimet ruse – mes tyre edhe fëmijë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.