Masat e reja anti-COVID’19 që filluan të aplikohen nga e premtja e kaluar (20 gusht) nuk kanë mjaftuar të ulet numri i të vdekurve dhe të infektuarve nga virusi, prandaj ministri i Shëndetësisë, Arben Vitia, ka zhvilluar një takim me kryetarët e komunave të Kosovës, për të shqyrtuar masa shtesë në luftën pandemike.
Masat e reja do të fillojnë të aplikohen me urgjencë, derisa pritet që “këtë javë të futen në fuqi”, tha për Albanian Post kryetari i Asociacionit të Komunave të Kosovës, Sazan Ibrahimi, pas takimit me Vitinë.
“Të vlefshme do jenë deri me 13 shtator”, shtoi ai dhe më pas do të bëhet rivlerësim i situatës në terren për të parë efektivitetin e tyre.
“Viti i ri shkollor të shtyhet deri më 13 shtator, të kthehet ora policore nga ora 22:00 deri në 05:00, gastronomia të mbyllet nga ora 21:30, të shtohet stafi shëndetësor për rreth 1 mijë profesionistë dhe gjithashtu inspektorët në terren”, deklaroi Ibrahimi për Albanian Post.
Veç masave, të cilat duhet të aprovohen edhe nga qeveria, në takim u fol shumë edhe për kërkesat e komunave për furnizim me barna esenciale.
“Kërkesë e AKK-së ishte të shtohen inspektimet në nivel komune dhe të ketë më shumë qendra për vaksinim, por kjo po varet edhe nga numri i vaksinave që ka Kosova në dispozicion. Po ashtu kërkuam që rekrutimi i stafit të ri të decentralizohet në nivel lokal”.
Kosova pritet të furnizohet me rreth 470 mijë vaksina nga COVAX gjatë javës së parë të shtatorit.
Ndërsa, numri i të infektuarve gjatë dy javëve të fundit ka shënuar rritje.
Numri i të infektuarve vjen nga 12 mijë e 564 mostra të marra nga Shërbimi Spitalor dhe Klinik Universitar i Kosovës.
Në Kosovë, deri më tani, janë dhënë mbi 780 mijë vaksina kundër Coronavirusit, ndërsa me dy doza janë vaksinuar mbi 260 mijë qytetarë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Izraeli shkon edhe më tej në Rafah duke sfiduar opinionin ndërkombëtar
-
Nathan Thrall: “Evropa duhet të izolojë Izraelin, palestinezët janë në geto prej 50 vitesh”
-
Komandanti i KFOR-it kërkon nga Kurti e Sveçla që të shmangen veprimet e njëanshme
-
Politikani katalunas: Spanja hipokrite dhe me standard të dyfishtë – njeh Palestinën, por jo edhe të drejtën e kosovarëve për shtet
Lajmet kryesore
-
Gërvalla: Nuk e zbatojmë variantin e BE-së për Asociacionin, derisa Beogradi nuk zbaton marrëveshjen e Brukselit
-
Basha kritikon sjelljen e Vuçiç në OKB: Simboli me tre gishta, sinjal i keq për stabilitetin e rajonit
-
Nathan Thrall: “Evropa duhet të izolojë Izraelin, palestinezët janë në geto prej 50 vitesh”
-
Shoqata e Mikrofinancës dënon praktikat në shkelje të ligjit, pas rasteve abuzive të publikuara