![](https://albanianpost.com/wp-content/uploads/2024/05/ZKM-24-5-2024-1.jpg)
Komandanti i KFOR-it, gjeneralmajor Ozkan Ulutas, ka kërkuar nga kryeministri i Kosovës, Albin Kurti dhe ministri i Punëve të Brendshme, Xhelal Sveçla, që të shmangen veprimet e njëanshme të cilat e përkeqësojnë situatën – pas veprimeve të fundit ku policia kishte mbyllur gjashtë njësi të “Bankës Postare Kursimore” të Serbisë.
“Veprimet e njëanshme që mund të përkeqësojnë tensionet duhet të shmangen dhe se duhet të ruhet koordinimi i duhur mes të gjithë aktorëve përkatës”, thuhet në komunikatë.
Ulutas, theksoi përkushtimin e palëkundur nga i gjithë personeli i KFOR-it për të vazhduar zbatimin e mandatit për mjedis të sigurt.
Ndërsa në njoftimin e lëshuar nga Zyra e Kryeministrit nuk janë dhënë shumë detaje rreth takimit që u mbajt mes Kurtit, Sveçlës dhe komandantit të KFOR-it.
Në njoftimin e këtij institucioni theksohej se palët kanë diskutuar për situatën e sigurisë në vend.
“Bashkëpunimi ndërmjet Republikës së Kosovës dhe misionit të NATO-s në Kosovë – KFOR dhe situata e sigurisë në vend ishin temat e diskutimit. Në takim u vlerësua se komunikimi dhe takimet e rregullta janë në shërbim të bashkërendimit sa më të mirë ndërmjet institucioneve të sigurisë”, thuhet në komunikatë.
![](https://albanianpost.com/wp-content/uploads/2024/05/ZKM-24-5-2024-4.jpg)
Kreu i ekzekutivit e ka falënderuar Ulutasin për bashkëpunimin të cilin e vlerësoi si “të mirë”, e po ashtu për rolin dhe kontributin e tij dhe të KFOR-it për sigurinë dhe paqen.
Komandanti i KFOR-it është takuar të premten edhe me presidenten e Kosovës, Vjosa Osmani dhe ministrin e Mbrojtjes, Ejup Maqedonci.
Çështje e diskutimin edhe me Osmanin dhe Maqedoncin në takime të ndara ka qenë situate e sigurisë në Kosovë.
Krerët institucional e kanë falënderuar komandantin për angazhimin e tij personal për mirëmbajtjen e paqes dhe sigurisë në vend.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hoti e cilëson “propagandë të marrë komuniste” krahasimin e Kurtit rreth rritjes ekonomike për periudhën 2000-2023
-
Diplomatët e SHBA-së në “konfuzion” për dialogun Kosovë-Serbi
-
Deklarimi i Bislimit s’e Kosova s’dërgon “artikuj gazetash” në Kushtetuese mund “ta acarojë BE-në” – edhe pse ka konsensus për heqjen e masave
-
Rohde përkujton ekipin e gazetarëve të revistës gjermane që u vranë një ditë pas çlirimit të Kosovës